مرحبا ترحيب يرقى في السماء مليون رتبه=صافي المضمون والمعنى وفي شكله ولونه
مثل برقٍ لاكشف سود الليالي نورت به=وعد ماشعشع وما رفرف وماهلت مزونه
غالي ويرخص لضيفانٍ محل الجود جت به=الرجال اهل الوفاء واهل النقا يستاهلونه
ضيفنا لاقبل نواظرنا والالسن رحبت به=والفرح بقلوبنا يقصر بليغ الوصف دونه
مـرحـبا في صدر جوٍ ربّع وعشبه نبتبه=فرحةٍ بقدوم بيضان الوجيه اظهر فنونه
والثناء لله ثم راع الفــعول اللي رقـتـبـه=فوق هامات المديح ويتعب اللي يمدحونه
مطلق اللي هقوته عن رغبته ماجنبت به=ولاتغير يوم بعض العالم يغيير ظنونه
جاتنا الدعوه وصوبه كلٍ اقدامه مـشـت به=واجتمعنا في محلٍ بالكرم عطر ركونه
اجتمعنا جمع خير وكل شغمومٍ لفت به=رغبته في شوفة ربوعه وهم شوفه يبونه
للتعارف في زمانٍ كل ظروفه غدت به=وعن بني عمه ودار ابوه قفّت به ضعونه
كل مايطري عليه القرب زادت وابعدت به=وفي ظلال الامن مايحتاج من قومه معونه
صار كل الدار داره وين مارجله وطت به=وصارله عزوه ولوهم في النسب مايقربونه
بعد وحدها امام ٍ حبها حب ورضت به=واخمد الفتنه ومات الشر واللي ينقلونه
ثم توارثها ملوك الخير والخير ازهرت به=والعشيه خادم البيتين تحرسها عيونه
الزعيم اللي غلاه اسقى الضماير وارتوت به=دينٍ شهمٍ شجاعٍ فطن به عطف ومرونه
وكل ماوسط الصدور وصادق السنا دعتبه=يالاه احفظ ملكنا والوطن يارب صونه
وعد اهازيج الطيور اللي غناها غردت به=مرحبا في المجلس اللي مايكدر من يجونه

ياسلام عليك ياضاوي

قصيدة اقل مايقال عنها راااااائعة

صح لسانك وبنانك

تحياتي