السلام عليكم ورحمة الله وبركاته
يسعدني الانضمام لكم ياال مشاهير
دام الاجواء رباعيه وبرد اضع بين ايديكم هذه المتواضعه قابله للنقد وتتكلم عن نفسه
قالو تحب ...وقلت حرش العراقيب= احبها من حب ابويه..وجدي
ماهوب حب الفخفخه والاكاذيب= الي شهر وايام ثمن اتعدي
هذي عطايا الله مافيها عذاريب= يامعذربين البل ترى باح سدي
اسج معها واشرب احلى المشاريب= بدون هذا ينزل وهذا يشدي
والمجلس الي فيه حش العراقيب= مانيب لاقده ولاهوب قدي
لاجاهم المخطي يقولوله مصيب= والزله اليا جاتهم ماتعدي
ومجالس البدوان باالعز والطيب= امن الوفاء كلن خويه يبدي
تناقل اخبار الحياء جيب واجيب=واحدن يجيب العلم واحدن يودي
تتبع سلوم ولا تخلي مواجيب=ولاجاهم المسرع لزومن يهدي
مثل الذيابه ذيب يقنب على ذيب=واليا سمعت الذيب فاالضلع عدي
