انتي أبد دون خلق الله تجافيني=وانا وحيد الغرام وفيك ولهاني
اسهر ليالي غدت من حرّ ما فيني=وأحسب نجوم السما واشكي لخلاني
قلبي على شوفتك بالليل شاقيني=والنوم ما ذوق طعمه دوم طفشاني
أزعجت في مجلسي ناس ٍ تحاكيني=أسرح ولا هوب كره له وحقراني
يا ما تخيّلت صوتك لي يناديني=وأفز له واقف ٍ والعقل هيماني
شحيت في شوفتي لك يا منى عيني=وانا جريح الهوى هايم وحيراني
مقدر اعيش الغرام اللي يدانيني=ما بين شوق و وله بهموم وأحزاني
ما غير حبك بقلبي لا تلوميني=ولو الغلا لي بقلبك زال حرماني
مقدر اعاف الهوى ومثلك يراعيني=وان كان أبنسى هواك أكون غلطاني
والله تعبت وتعب قلبي يخلّيني=وشكيت درب ٍ بضيم وهجر ملياني
مادام طيفك وصوتك هم براهيني=بيّنت لك يا غلا وش كثر عطشاني
مني رسالة وفا ولهان تسقيني=من سلسبيل الهوى مادام طوفاني
انتي وحيده وغيرك ما تواسيني=وانتي بقلبي ولا غيرك به انساني

الكاتب : عبدالله العصيمي حضور اول ولي عوده تليق يابو احمد

الكاتب : عبدالعزيز الدلبحي سامي صح لسانك واعتلا شانك قواك الله كل التقدير