أفكر في الزمان .. وفي صدوفه = وفي ظروفه .. وفي قسوة يدينة
أمد الكف .. ويرجع كفوفه = رضى لي بالاهانه .. لو ما اهينه
وأفكر في حبيبٍ .. ما نشوفه = تركني بين (ياليته) و (وينه)
ياكم جاملت .. مع شكوى ظروفه = وكم قدمت .. مابين بعينه

قالت صباح الخير والفم معسول=يازين صبح ابتديبه بها الصوت
شفت المحال ان صار للناس معقول=هذا انت روح واسكنتني عقب موت

ليه السهر ياخذ على عيني صكوك=وليه الفرح قفى وخلا لي الهم
وليه المشاعر بين مالك ومملوك=صدري ملكها والحزن ملكه يعم
همي رصيدي والصدر عندي بنوك=الفكر يشغلها وينزف بها الدم
والحظ وداني على باب مصكوك=والصمت يصرخ بس صعب يتكلم
والورد ويش الورد لاخالطه شوك=والشمع ويش الشمع في ليل" اظلم

تعبت اداوي حبيبي جرحي النازف = تعال داوه وشاركني معاناتي
الجرح ضيع دواه ووقتنا آزف = وانا اتصبر والوم الوقت وآحاتي
تعال دامي على لحن الرضا عازف = عطني حبيبي همومك واخذ آهاتي
اغليك واهواك قل لي عاشق مجازف = لجلك يخوض البحور وموجها العاتي