خير مبدى بالتحيّه والسلامي=مسلمٍ وامّشي على نهج الصحابه
مع دروب النور ما جيت الظلامي=اعّبد الله وارتجي غاية ثوابه
يا بدر عصاي والميقاف حامي=هاض هوجاسي وخطيت الكتابه
شاعرٍ و اوزن على المعنى كلامي=والجزاله قسم لي في كل جابه
وان بغيت العلم يا الحرّ القطامي=انشد اليا ضعت ثمّ تلقى الاجابه
يا بدر حسب خيالي وافتهامي=الردى والطيب ما فيها تشابه
احمد الله من على سنّ الفطامي=اعرف ان السيف عزه من نصابه
واعرف اميّز حلالي من حرامي=فاهمٍ فالدين واقراء في كتابه
ما عشقت الاّ رفيعين المقامي=الرجال اللي على عز ومهابه
الرجال اللي يفكون الجهامي=كاسبين الطيب في سلم وحرابه
الكرام ابن الكرام ابن الكرامي=كل رجلٍ للكرم ما صكّ بابه
هم هل الرفقه رياجيلٍ حشامي=للعلا كل واحدٍ عزمه رقابه
يوم ولد اللآش طاب (أ)له المنامي=ما فعل فعل الرجال و لا درابه
جايزٍ له لو يهان ولو يضامي=والرخامه دايماً تزهى جنابه
الحقيقه فيه ما ينفع ملامي=قاصرٍ في بعد هقوة من هقابه
والردي وان كانه اقرب من عمامي=قلت ما بيني ولا بينه قرابه