الوطن لا يحتاج الى مقدمه
ولا الى تفكير
ولا الى مناسبة
لانه باختصار الوطن
يالله ياللي كل مزنه تسخرها=تحمي بلاد العز من كل طماعه
وتحفظ لنا الديره من اللي يكدرها=وتصونها عن كل عابث ورواعه
ديرة هل التوحيد ربي يعمرها=واللي يعاديها عسى تكثر اوجاعه
من عاش ماضيها ومن عاش حاضرها=يشهد لها عز وامن و فزاعه
المجد الاول لا تلا مجد اخرها=دايم لها العليا ولا تقبل خناعه
ارض السلام وخاب من هو بحاقرها=يكفي فخر هي مهبط الدين واشعاعه
لك ياوطن قوم تجي كيف تامرها=اضعف ضعيف اللي طرح عشرة اسباعه
ناس تجود بروحها وانت خابرها=شعب على ما تبتغي مرخي شراعه
شعب يمينه عنك ما هو بذاخرها=عز الوطن من عزنا وابرك الساعه
دون الوطن ارواحنا ما نسعرها=دون الوطن حنا له سيوف قطاعه
في ظل من فعله شعوب تقدرها=في ظل ابو متعب له السمع والطاعه
شيخ قضايا امته دوم ناصرها=وقفة شجاع تسوي بلاد جماعه
ودايم على ميناه ترسي بواخرها=ذاك الزعيم اللي حوى المجد بانواعه
وعهد نصون المملكه في معاسرها=نفنى وتبقى للوطن مدة ذراعه
لوخيروها النفس ماني مخيرها=نهج الوطن نهجي وطبعي من اطباعه
ياديرة تسكن وسط قلب شاعرها=الله يعز اللي حكمها على الطاعه
وسلامتكم جميع
