ضياع .. في داخل .. عجه

عبدالله المظهور الرشيدي · 11-07-2009, 03:13 AM

[align=center].
.
.
اخواني واحبابي واعزائي اداريين وأعضاء هذا المنتدى الشامخ
السلام عليكم ورحمة الله وبركاته:
باختصار .. اقدم لكم مايلي :
.
.
. [/align]

الا ياعيوني جاوبيني .. وش المنتوج ؟ = من دموعك الي كل الاوقات منثجه
دموعك تزيد الجرح بالخاطر المزعوج=وانا نفسي من اول حزينه .. ومنلجه
حبيبك رحل .. وابعد .. وخلى الضلوع العوج=على طاري افراقه نحيله .. ومختجه
حبيبك رحل عنك .. وبناء للفراق ابروج=رحل .. وابتعد .. من غير عذر(ن) ولا حجه
افراقن فتح له درب في داخلي .. وفجوج=وامور(ن) كثيره احدثت داخلي ضجه
تركني تقل قارب .. بغبة بحر .. والموج=يشيله .. ويلعب فيه .. في ضلمة اللجه
وتركني مع الهوجاس .. وحصانه المسروج=ومع الليل .. والتفكير .. والهم .. والصجه
وصدرن يضيق .. وكل ماضاق قمت ادوج=اسج القدم .. وارتاح .. لاطالت السجه
ولا به وناسه .. والفرح بالنكد ممزوج=لو افرح اشوي .. اتعود الاوضاع مرتجه
ياصبري .. تعال اشهد على حظي المعيوج=تراك السلاح الي على حظي اموجه
ابصبر .. وابدعي من جعل في سماه ابروج=ابدعوه .. يحفظ صاحبي وين ماوجه
ووصلنا النهايه .. والنهايه رياح(ن) هوج=وضاعت .. وانا ايضا ضعت .. في داخل العجه !!!
[size=5][/size]

[align=center].
.
.
وسلاااااااااااااااااااامتكم جميعااااااااااااااااااااااااااا
.
.
.[/align]

سعود الدعجاني · 11-07-2009, 07:58 AM

عبد الله الرشيدي صح لسانك ملايين ..

مبدع يا غالي رائعه جداً ..

ياصبري .. تعال اشهـد علـى حظـي المعيـوج
تـراك السـلاح الـي علـى حـظـي امـوجـه
ابصبر .. وابدعي من جعـل فـي سمـاه ابـروج
ابدعـوه .. يحفـظ صاحبـي ويــن مـاوجـه

تحياتي لك

عبدالله بن سعود المتعب · 11-07-2009, 08:51 AM

الشاعر عبدالله الرشيدي

ابدعت وقصيدة جزله من شاعر جزل

صح الله لسانك ولاهنت طال عمررك

فواز بن علوش · 11-07-2009, 11:05 AM

ياسلام ياسلام

يالرشيدي

وصح الله لسانك

وتقبل تحياتي ..

ناصر البرغش · 11-07-2009, 11:32 AM

حبيبك رحـل عنـك .. وبنـاء للفـراق ابـروج
رحل .. وابتعد .. من غيـر عـذر(ن) ولا حجـه

وصدرن يضيـق .. وكـل ماضـاق قمـت ادوج
اسـج القـدم .. وارتـاح .. لاطالـت السـجـه

الله الله الله الله

عبدالله المظهور

صح لسانك ولاهنت

ابداع وتمكن من شاعر جزل

ويستحق المتابعه

تحياتي ومتابعتي

عبدالعزيز الدلبحي · 11-07-2009, 11:47 AM

عبدالله

صح لسانك والله

عز الله انك ابدعت ...

قصيدة غاية في الروعة .. قافية ومعنى

بيض الله وجهك

كل التقدير

شاعرة نجد · 11-07-2009, 02:34 PM

وصدرن يضيـق .. وكـل ماضـاق قمـت ادوج=اسـج القـدم .. وارتـاح .. لاطالـت السـجـه

صح لسانك يالشاعر

ولاهنت على هالشامخه

تحيتي’,,

عروس الاشعار · 11-07-2009, 02:39 PM

[align=right]|

ابدَعت فـ أجزلتْ ..
قصيده وافيَه ..
لله درّك ..
ودّيْ ووردِيْ

|[/align]

الغمام · 11-07-2009, 10:50 PM

تركني تقـل قـارب .. بغبـة بحـر .. والمـوج=يشيلـه .. ويلعـب فيـه .. فـي ضلمـة اللجـه
وتركني مع الهوجـاس .. وحصانـه المسـروج=ومع الليـل .. والتفكيـر .. والهـم .. والصجـه
وصدرن يضيـق .. وكـل ماضـاق قمـت ادوج=اسـج القـدم .. وارتـاح .. لاطالـت السـجـه
ولا بـه وناسـه .. والفـرح بالنكـد مـمـزوج=لو افـرح اشـوي .. اتعـود الاوضـاع مرتجـه

كايفة ومليئة بـ صدق الشعور

تسلم مليار ولا هنت

تقديري

عبدالله العصيمي · 12-07-2009, 09:48 AM

وصدرن يضيـق .. وكـل ماضـاق قمـت ادوج
اسـج القـدم .. وارتـاح .. لاطالـت السـجـه
ولا بـه وناسـه .. والفـرح بالنكـد مـمـزوج
لو افـرح اشـوي .. اتعـود الاوضـاع مرتجـه

ياسلام عليك يالرشيدي

ابدعت اي والله

صح لسانك

ولك تقديري واحترامي