مهما يدور ابنا الزمن يبقى الأمل بالله كبير = العمر رحلة والتوقف في محطات القدر
اللي صبر في دنيته يقدر يواصل فالمسير = واللي عجز من دنيته ياقف ولا يقدر يمر
يبقى التفاؤل ديدن الإنسان فالعمر القصير = الحلم وحده مشكلة . لازم يطعّم بالصبر
اللي حلم أنه يطير. يحقق الحلم ويطير = واللي تشاءم بالقدر. في دنيته يلقى قشر
بس المهم أنّك من أعماقك تعرف اللي يصير = واللي زرع شجرة بعد فترة يبي يجني ثمر
في داخل الإنسان فجوة ما يحسبها كثير = تصعب عليه السالفة لن كان ما عنده خبر
فجوة يغذيها الشهيق ولا يغذيها الزفير = مع الشهيق تحس مثل اللي شرب كأس الخمر
تعطيك نشوة داخل عروقك ولو ساقك كسير = تاقف على ساقك وكن الساق من كسره جبر
غايتك تدعمها وتجعلها بلحظة تستثير = ويصير عندك مقدرة تكسر عراقيلك كسر
هذا إذا كان التفاؤل داخل إحساسك مدير = سيطر على جوارحك يأمر ولا تعصى الأمر
المسألة ما هي بحاجة لا طبيب ولا خبير = لكل غاية قاعـدة ومن التجاريب العبر
إذا عرفت القاعدة تراك في نفسك بصير = سهل التحكم فالشعور اللي تزاحم فالصدر
اللي حلم أنه يطير. يحقق الحلم ويطير = واللي تشاءم بالقدر. في دنيته يلقى قشر
النفس تغرينا على تبع الاوهام = وتغيب في غبات بحر الخطايـا
ياكثر ما ننسى ونفعل من آثام = وياكثر ما يستر عليم الخفايـا
لكن لا قالوا ترى بكره صيـام = يفز شوقٍ مدهلـه فالحنايـا
لانه شهر يفرق على باقي العام = وصومه هبه من عند جزل العطايـا
الله يوفقنا على صـوم وقيـام = قدام تخطفنـا سهـوم المنايـا
يحسن عزاك اللي له الناس صيّام =والله يرحم والدك يابو نايف
ومن مات بالجمعة على دين الإسلام=حرام تبكيه الدموع الذرايف
يـقوله المبعوث رحمة للآنام=يُوقى عذاب القبر ولا هو بخايف
فليه البكا يا الربع في شهر الإنعام=مادام هذي حالة الشيخ نايف
للرائع : الأديب حسين السبيعي
*
*
اليوم هذا فـجــّـر بقلبي حـمـم
لاوالله إلا ثااار بــــركــــان الفــؤاد
مامات جابر لاحشى ماتت أمم
الله يصبرنا عــــلــــى نـــار البعاد
