والمعذره على القصور
7
7
7
شفني على كف المقادير منصاب = لو قلت طيب باقيٍ بي صوابي
شفني حزين أرجوك يكفيني عتاب = جاني من الدنيا مقدم حسابي
أضحك وأنا مالي عن الهم مجناب = وادفع فواتير الألم من شبابي
الصد والحرمان وفراق الاحباب = سبة شقى قلبي وسبة عذابي
جيت اتحاشى الشوك والشوف قد ذاب = الخوف يحداني وشوقي سرابي
وامسى حضور الرجل مع حضرة الداب= والعرق يشرب من سمومه شاربي
طرقي وسقت الرجل في دار الاجناب = والدرب ما قدر عناي وغدابي
ياحضرة الاشواق من فك لك باب = من قال لك تبنين حلم لسرابي
ضريبتك دمعٍ نشى بين الاهداب = والوجد في قلبي بداية ذهابي
وقلبي خضر والشوق بالحيل جذاب = أطرد ورا همك وهمك زهابي
رحلة عمر مرت على الضرس والناب = صفحة ملاها الحزن داخل كتابي
ما همني لو قالوا الناس كذاب = ولا همني من بالنميمة وشابي
يهمني لاصحت في وسط الاقراب = ولحدٍ سمع صوتي ولحدٍ درابي
.
