ترى الحيا في بعض الأحيان يرشدك "="وأحيان لا بالله مواري رخامه

كفة مشاهير ترجح بالبيوت الجزال = ماهمه اللي من الأيام قد باعته
ما دامت الجهد تحريبه عقول الرجال = تبا تجيب الدرر والماس من قاعته
يبقى مشاهير شامخ من شموخ الجبال = من بعد رب البشر نتعب على طاعته
لو كان هست خطاه الموت لا لا محال = لا شك تلقى المرض موجود با إشاعته
منبع جزيل الشعر ماهو لقيلٍ وقال = في وسط سوق الادب ما بارت بضاعته
مبني على ساس ماهو فوق جرفٍ هيال = واقف على حق من مجهود فزّاعته
كل القلوب النقية له تشد الرحال = تجني ثمار الوفا من طيب زرّاعته
لا جاه زاير رهيف احساس واسع خيال = دقايق الوقت تاقف غصب في ساعته
من روعة الطرح يلقى للمشاعر مجال = يروي ضما الذايقه وايضا ليا جاعته

أفكر في الزمان .. وفي صدوفه = وفي ظروفه .. وفي قسوة يدينة
أمد الكف .. ويرجع كفوفه = رضى لي بالاهانه .. لو ما اهينه
وأفكر في حبيبٍ .. ما نشوفه = تركني بين (ياليته) و (وينه)
ياكم جاملت .. مع شكوى ظروفه = وكم قدمت .. مابين بعينه

العتب دمع والاحلام سرب الحمـام=والمكاسب طعون وذكرياتك وسايـد
حل طاريك وارخيت الرسن للكـلام=قلت ابكتبك لو حلمي وراك متكايـد
انت يامن بعدك الصبح عاف المقام=انت يامن بك الجزلات صارن عوايد
حبك الغيث وقبالك طيوف السـلام=ريحك الهيل وملاقاك راس الفوايـد
انقض اليل لعيون السهـر لا ينـام=اوقد الجرح لا تبرد كفوف القصايد