مساء الخير للجميع
مدري صباح الخير والا مسا الخير = احلى صباح يمر في بالي اليوم
هذا صباحه غير واحساسنا غير= يالله عساني منك مانيب محروم
صباحه احلا من حليب المغاتير =ولوان بعدك صار حيله ومقسوم
بعدك علي ضيقه وهم ومخاسير = وقربك مثل عيني مع لذة النوم
صخرتلك قافي من البعد تصخير = وارسلت لك قلبي على قلبك(( التوم ))
مابيه يرجع خالي أمن التعابير =ابيه معك ايدوم وعن غيرك يشوم
اختارك وجالك ياسيد الغنادير =أفتح له اضلوعك عسى عمرك يدوم
ادخل معا ثوبي بدال الازارير = تراي كتلة شوق واحساس واعلوم
خذني معك من غير داعي وتفسير = تراي أعدك شي أساسي من اليوم
أنا معك أحس في راحه وخير =وبغيبتك ضايق ومرهق ومهموم
سوالم
ملاحظه / اعتذر اذا فيه خلل في الطباعه
