رفيقي اللي ماقضا لي لزومي=عرفه وقربي له مثل ساير الناس
معرفتي به ماتحقق حلومي=رصيد عرفي به مثل بنك الأفلاس
لصار ما جالي شريك بهمومي=وراسه مع راسي اليا صار لي باس
عن مارد اعدوده لزوم ن اشومي=واجنبه مادام لي نفس وإحساس
لا اعطيه علم ومنه ماخذ علومي=اطوي حبال الرجاء من عد الأياس
انا على الشدادات جنبي دحومي=وعروقي راسي من طنا العز يباس
من غاب عني عند فرك الخشومي=مالي معه في ساعة الأمن مجلاس
عن معرفت هذا لزوم ن اصومي=وافطر على فرقاه وقند الراس
رزقي على الله منشي الغليومي=والشكل للأنسان ماهوب مقياس
أعيوب جسمي مخفيتها هدومي=واعيوب نفسي عند قضاب الأنفاس
(تنبيه :
حقوق الكاتب محفوظة. نشر النص بالتّاريخ 30-06-2009 منتديات )
)
مواضيع ذات صلة 
