ابن فطيس 2009

! العيوف ! · 18-06-2009, 11:11 AM

[align=center]ماهو كفو

قصيدة جديده لأبن فطيس

متعه لقلوبكم قبل تلك العيون

أكيد بتنول على اعجابكم يامشاهير

http://www.youtube.com/watch?v=6puvrTipxCA

ماهوب كفو الوقت حبك يمحّيه
ياللي تخاف صروف الايام تمحاه

ارتاح دام ان المواصل يقويه
انت . انت وانا . انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
( يالله عسى اللي يبلا المواليف يبلاه )

اخفيه يابلفيت والحال يبديه
ادناة واحد ينظر الحال يقراه

اخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه

وشوف به تمثال والوقت هاريه
وبتشوف زرعٍ ميتٍ واقفٍ ماه

وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولاتضايق من تصّدع زواياه

قَد زلزله فرقا وهزة عراويه
والله ستر والحظ عانه وعافاه

كانه صلح لك واعجبك . زيد تبينه
ابنه وجهزّ للمقابيل مبناه

ابغيك بس من المفارق تداريه
وازهل من ايداري شعورك ويدراه

وحلل وحرّم فيه . ياأبرك بلاويه
وحله وراع ارضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه
انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلاقه

وإلا انت . ردك كُل مادعيك لبيه
انشهدٍ منتوا بفي عيني اشباه

منت بمعى العالم . ولا تقولي ليه
انت ادرى مني وفي جوابي وفي احواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه

واعشق سميك في البزارين وادعيه
واقبل خطاه الا اخطى واتلقاه

واسمك يروعني اذا مرّ طاريه
واحب ملقوفٍ يسولف وطراه

وامرّ بيتك من بعيدٍ ولا اجيه
وانا لو انه في يدي ماتعداه

حتى تواير موتري تلتفت فيه
تبغي تلفّ ويستحي العقل والجاه

وصلك يخيط الصدر والبعد يفريه
ويابري حالي كان صديت برياه

ويلي على ادري حبنا ويش تاليه
وويلي على ادري وش ورى الغيب ويلاه

عشان اشوف اذا محبتك ترفيه
والله لاقفي عنك . استغفر الله

وسلامتكم [/align]

عبدالرحمن السمين · 18-06-2009, 01:13 PM

المتألقه / الـعـيـوف

نص جميل شاعر أجمل

دمتي بهذا التميز

ولا عدمت نقلك المميز ...

مودتي لك .

مرايا · 18-06-2009, 03:03 PM

ابن فطيس شاعر عجيب

نصوصه دائماً لها وقع خاص

صحّ لسانه ولاهان

إختيار مميّز أحسنتِ / العيوف

راعـية الـبل · 21-06-2009, 12:58 AM

الله الله

رائع هو ابن فطيس
ورائعه انتي بانتقاءك..له

صح لسانه..وصح ذوقك يالغلا

ودي

! العيوف ! · 23-06-2009, 07:20 AM

اخوي عبد الرحمن السمين

هلا بك

وبذوقك العالي اللذي لا يناسب الا هذا الشاعر الفذ

لاهنت وتسلم

عبدالعزيز الدلبحي · 25-06-2009, 11:56 AM

بن فطيس

مبدع إلى أبعد حد ...

من حسنات شاعر المليون انه عرفنا ببن فطيس

والقصيدة رائعة .. جدا .. وبصراحه اول مره اسمعها

اختيار رائع يالعيوف .. من ذائقة رائعة

كل التقدير

! العيوف ! · 25-06-2009, 03:24 PM

هلا بك يامرايا

وارحبي

ولاهنتي على هالتذوق لهذا الابداع

! العيوف ! · 25-06-2009, 03:25 PM

هلا بك ياشهرزاد

نورتي متصفحي بوجودك

رائع هو

وانتي متذوقه فذه

لاهنتي وحياك الرحمن

! العيوف ! · 25-06-2009, 03:27 PM

هلا بك يالكبير

هلا بك اخوي عبد العزيز

طولت الغيبه

وافتقدتك مواضيعي

والا غير كذا ارحب ولاهنت على هالحضور الفذ

تواجد غير فلا تحرمنا تواجدك

مذهله · 25-06-2009, 04:55 PM

يااااااااااااااااا الله عليه..

يالله عليه...

والله يا اني لو عندي مليون ثاني لاأعطيه اياه...

أشعاره تلبس من أخلاقه أسبال..ومن شفافيته نور

رائع

تسلمين على النقل يا ذويقه