يشرب الأرض حوت وياكل الحوت حوت = وحضرة الأمن جيب يدوربه عسكري

الشوق عمره طويل ولا علـى الصبـر زود=وان طال عمر الجفاء جف القلـم والكـلام
اخايـل الشعـر وبروقـه حديـث الرعـود=ويسمي الخيـر وجروحـي حديـث الظـلام
ما اقول صدري هو اضيق صدر في هالوجود=لكني احس بيـن ضلـوع صـدري غـرام
لو للمقادير مـع وجـه البـن ادم وعـود=ان كـان مـرت مصايبنـا مـرور الكـرام
من رحمة الله مـا نقـرا عيـون الحسـود=ولا نشوف المغطّـى فـي صـدور الآنـام
ولاّ كثر مـا تشيـل العالـم قلـوب سـود=يمكن تضيع الهقاوي فـي خـوال وعمـام
طبيعتي لا انكشف ستر الزمن عـن جحـود=امد لـه غصـن زيتـون وحمامـة سـلام
ان جتنـي حلوقهـم بالنـار, هبيـت نـود=وان طمنوا روسهم , راسي خـوي الغمـام
اعيش جـو السعـاده بالدعـاء فالسجـود=لاطـرّف الليـل ثلثينـه وعــز المـنـام
الله يخلـي لقلبـي ضحكـة اربــع ورود=ويقر عيني بشـوف النـور عقـب العتـام
ياليت شعري ,, الا ليـت الليالـي تعـوود=يـوم التجافـي دقيقـه كنـه فـراق عـام
اسألك باللـي جعـل كلـك رهـاوة عـدود=لا تبطي عروق قلبي مـن قراحـك حيـام
من يم دمعي حدر والضيـق يرقـى سنـود=لو قلت لك طيب وكلـش علـى مايـرام !
شف كيف عمر الفرح ينقص وحزني يـزود=واطول البال واقـول: الزمـن مـا يـلام !
صدقنـي انـي فقدتـك والجـوارح شهـود=ارجـوك لا تعتبـر بعـدك سبيـل انتـقـام
أي والله اخطيت في حقـك وجيـت مهـدود=اشيـل عـذري لعـل العـذر قـد المقـام
اخطيت والبعد يوجعنـي ولا انـت محـدود=تحـط بينـي وبينـك فالمحـبـه نـظـام
لو الخطاء بين خلـق الله جـزاه الصـدود=ماعاش فـي هالزمـان الاّ عيـال الحـرام
عشت الغلا فـي شبابـه لا تخليـه عـود!=العود ما يطلـب الله غيـر حسـن الختـام!

ياللي عليك العيون تفيض وتـزود=الدمع فوق الحزن للرجـل إسـاءه
الجـرح لا تدفنـه ملـحٍ وبـارود=من باب أولـى تكفّـل فـي دواءه
من واقع الوقت تكفى ما علي زود=الوقت خيم علـى كبـدي وبـاءه
أصارع الصـد دون الشـف وأذود=عن هيكل ٍ صيحتـه تفتـق رداءه
جابتك الأيام بيـن القـل والجـود=والقلب محـدٍ تبختـر فـي فنـاءه
وعرضتني للصبا فعيونـك السـود=والناس تنظر لها بعيـن البـراءه
الحب شجرة عنب والوصل عنقود=وألذ مافـالهـوى حمـرة حيـاءه
حجتّك تنفذ علي لو مالهـا شهـود=والخاطـر المنكسـر يعلـن ولاءه
يالمترف اللي بطشت بسيف مجرود=خذها وربـي يدبـر مـا يشـاءه
دخلت نفسي مثل فرحـه بمولـود=وخرجت منها مثل موت الفجـاءه

لو تجرْ الحتف.. تلو الحتف.. وش فـيدينا=اليدين مكبْلـه.. والديـن يهتـك عرضـه
ما ومرنا الله على ستـر العـرى والدينـا=البري ء .. يهان فـبلاده .. ويقتل فأرضـه
الوقائـع والمآسـي .. شوفهـا يكفيـنـا=والشواهد مؤلمـه.. وانفوسنـا ممْرضـه
وحاضر الأسلام يُسفك .. وان بكى ماضينا=صارت الأمه تُهان .. ولليهودي عرْضَـه
شرنا منا.. وكـل الخيـر.. مـن والينـا=وقرض ربي جنته .. يا جاهلينٍ(ن) قرضه
أقمحـي يـا ضيعـة أولنـا علـى تالينـا=عقب جنبنا الرسول .. ولا تبعنـا فرضـه