| أجل يمه !!
[align=center]غرستي بذرتك عشرين عام و هقوتك تكبر
سقيتيها بحنانك عام عام وهالعطا ما غاب
لمحتي بذرتك تنمو وسط عينك أمل يزهر
حميتيها وصنتيها بشهور الحمل للإنجاب
أجل يمه ومن مثلك قدر مع هالتعب يسهر
يداريني ويحرسني وانا في غفوتي أنساب
ومن مثلك تحمل صرختي لي صار يتفجر
صراخي عالي ٍ تجزع له اعيونك مع الأهداب
نعم يمه وحبك يكبر بقلبي وأنا أكبر
شربته بالرضاعة لعامي الثاني و أبد ما ذاب
سرى في داخل اعروقي وصارت بالغلا تجهر
أجل من حقها تجهر لأنك أطهر الأحباب
يحق لخافقي يفخر بحبك والغلا يفخر
لأنك شمس لي غابت أحس الكون ذا يرتاب
ورب ٍ جاعل ٍ طيبك لطيب الكون ذا مصدر
حلفت أكون مندونك ومن دون العناء حجاب
أجل يمه ومن غيرك نطرني لمى أتأخر
ينام الخلق و اعيونك تناظر ساعتك والباب
ومن غيرك يحس بخطوتي لا صرت أتبعثر
ومن غيرك نصحني لا مشيت امشي مع الأطياب
أجل يمه جميلك طول ما شوفك يضل يكثر
وكل ما حاول أوفي هالجمايل هالوفى ما صاب
لأنك أطهر إنسانة غلاها بخافقي عمَّر
مدن إلا بلاد ٍ حبها طول العمر غلاب [/align]
(تنبيه :
حقوق الكاتب محفوظة. نشر النص بالتّاريخ 24-03-2009 منتديات  ) | 
