العتب دمع والاحلام سرب الحمام= والمكاسب طعون وذكرياتك وسايد
حل طاريك وارخيت الرسن للكلام=قلت ابكتبك لو حلمي وراك متكايد
انت يامن بعدك الصبح عاف المقام=انت يامن بك الجزلات صارن عوايد
حبك الغيث وقبالك طيوف السلام= ريحك الهيل وملاقاك راس الفوايد
انقض اليل لعيون السهر لا ينام= اوقد الجرح لا تبرد كفوف القصايد

مانيب قايل مثل ماقلت في غيرك=اللي على غاربه حدّيت سكّيني
لا والله ألاّ يابن عمي كثر خيرك=واللي حصلّي قبل هذي تكفيني
وإليا تعذرتني ما قلّ تقديرك=خابرك مهما حصل ما انته بناسيني
سيف" مجرب يابن عمي وتأثيرك=يبين في نظرة اللي ما يدانيني
لا صار فزعاتك أكثر من معاذيرك=واليا نخيتك وأنا مهموم تشفيني
الله يسلمك ويعافيك ويجيرك=والله يوفقك والله لا يخليني