[align=center]لعلها تغفر الغياب
.
.[/align]
يتوه الشعر من تيه المشاعر والفكر تايه=معى ضيم السهر والصمت والدخان والشاهي
رفاقه حاصروني دونما رغبة ولا غايه=وقلبي في صداقتهم ابد ماهوب متباهي
مع انه كل ما جت معركة يتوسّد الرايه=وتآقف صرخته ثكلى/تعزي الآه بشفاهي
والا يا حضرة الراوي تبرأ من محاكايه=وخلّ الحزن يتبختر شجن في حشرجت آهي
بعد ما/ عازف البسمه تركني كاسر(ن) نايه=وهو يدري بأنه للخفوق الآمر الناهي
سلبني ما غصبني كل شي لا شك برضايه=وانا قد كنت من قبله قنوع وراضي ولاهي
حبيبي اللي سفك دمي وطرفي له ذرف مايه=جريمه كامله من صدته باتقان متناهي
ولا شك الزمن ظالم وظلمه ما له (ا) نهايه=يقول المتهم مجهول وأنت الجاهل الواهي
وأنا صامد بعد موتي اغني هجر ليلايه=وأتأمل ملامحها وخصلة شعرها الراهي
وأسولف مع نديمي وأسأله ما شفتها جايه=ومن حزنه على حالي يواسيني وهو فاهي
واصحى بعد غيبوبه وأحسّه من مواسايه=تعب / واضحك مجامل له واررد ليلنا زاهي
فعن هذا الحزن والنوح ودعها من اقصايه=وانا بأكسر عشانك وحدتي وبيالة الشاهي
)
