ياخاطري لاباس لاباس لاباس=ضاقت والا ضاقت على الله فرجها
لاتشتكي مخلوق من ساير الناس=مخلوق مثلك مايعدل عوجها
ماللصبر في سكة الياس مقياس=والارض للعالم وساعٍ فججها
وان ضاعت الحيله على كف الاتعاس=رجلك على مادبر الله سجها
وانا لك الله فاقدٍ كل الاوناس=والعين غير اغفايها ماولجها
امسي على هوجاس واصبح بهوجاس=اكذب على نفسي واصدق حججها
ياجمرة بالجوف تصفق بالانفاس=لاقلت آه احس زادت وهجها
لولا الصبر وان الرجا يغلب الياس=مااقول لاضاقت على الله فرجها
عز براق الحيا يوم ناض مـن الشمـال=كن عندي ذود وارعى الحيـا و أخايلـه
وراعي العين البصيرة ليا شـاف الهـلال=شيب عيني كيف شاف النجـوم القايلـة
و إن عزمت,الصمت حكمة تشد به الرّحال=والسلـوم تـراث و الا الأوادم زايـلـه
والأخوّه بعضهـا لا تحطـه رأس مـال=كود رجل(ن) في المواقف يمينـه طايلـة
ولا تشفق كود خـوّة صناديـد الرجـال=ما تشيل الحقد , وخباث الأنفس شايلـه
خل عنك اللـي هروجـه ونماتـه ثقـال=شـاذب العرقـوب دايـم دروبـه مايلـه
من تسمع من طرف دون الآخر في الجدال=ضـاع فـي دربـه ولا تخدمـه فعايلـه
يحسن عزاك اللي له الناس صيّام =والله يرحم والدك يابو نايف
ومن مات بالجمعة على دين الإسلام=حرام تبكيه الدموع الذرايف
يـقوله المبعوث رحمة للآنام=يُوقى عذاب القبر ولا هو بخايف
فليه البكا يا الربع في شهر الإنعام=مادام هذي حالة الشيخ نايف
للرائع : الأديب حسين السبيعي
*
*
اليوم هذا فـجــّـر بقلبي حـمـم
لاوالله إلا ثااار بــــركــــان الفــؤاد
مامات جابر لاحشى ماتت أمم
الله يصبرنا عــــلــــى نـــار البعاد
