لاتقول عوضه علامك ضايق الخاطر=تدري سوالك صعب واجابته صعبه
وشلون تسال وانا في موعدك ناطر=وفي قلبي اليأس عن شوفك زرع رعبه
وعن الاجابه يكفي دمعي القاطر=ضاقت به اعيون من ضيقي وتدمع به
اعيون من في غلاك ابعمره ايخاطر=باللي من ارضاك سعد العمر ينبع به
ادري بك اتحس بي ولهمي اتشاطر=وتدري بي ابعذرك اليا قلته اقنع به
وتدري غلاك ابفوادي دوم متفاطر=وشوفك ل فطرة غصون الود ترجع به
يامسيطر اللي تقول البدو يا!!يامساطر=الملك لك والولا وجيوشه وشعبه
كيان ماسور رهن احجاج متقاطر=لاجلك ولك ملك تنزل به وتطلع به
ياخوط بانٍ على جال الروى فاطر=يغري تثنيه نوده ويتذعذع به
ياثقل رزانة عقل ماغره الشاطر=وياغنج مدلع طبيعه ماتصنع به
عقل وجمال ودلال ومذهبٍ عاطر=والعرض مصيون يخسى من تفنع به
ياللي قبولك لخلك كنه الماطر=تروي محانيه روي الفيض من شعبه
وياللي له اقد جيبي لا جفا واّ طر=واحرم الحب لاارابه ولااسمع به
فياغايتي لاتهمك ضيقة الخاطر=لابد به يوم من الايام نجمع به