| رد : نسيت هالكلمتين: ( الكبر لله )..!!
اقتباس:
الكاتب : صالح السهلى 
اطراء / قصير ..
وجزء من جزئين / الأول هنا مقروء ..
والثاني قريباً مسموع ..
\
/
من فوق.. ليه المطر ياطاح من طين
لو ما القلوب السواد \ اكثره يغشاه..
الطيّب بوقتنا هذا ( مسيكين )..!!
يصدّق الناس / والناس اتّغَاْباااااه ..
والموقف اللي جرالي .. قبل يومين
علّمتني فيه.. درس ( امووووت ماانساااااه )..
علمتني انّك / المتكبّر .. ( الشين )
ونسيت هالكلمتين : ( الكبر لله )..!!
اخلصت لك كنّي آعرفك من سنين
وفرحت لك.. فرحة الطفل بهداياه..
زرعت في داخلك ورد ورياحين
وقطفت لك من خفوقي ماتمناه
حسيت بك.. لين شفتك بالملايين
وحسستك انك كثير / ولالك اشباه
شريت .. ( مرسم / وكراسه / وتلوين )..
ورسمت قلب / وسهم حب يتمثناه
وكتبت حرفي وحرفك.. ( بين قوسين )
ياليتني مانسيت اجيب .. ( ممحاه )..!!
محتاجها اليوم.. لكن / ( ربّك يعين )..
هذي نهاية طريق الـ( لامبالاة )..
معك على الخط مافكّرت الى وين..؟!!
مشغول بك.. هم / واشواق / ومعاناة
وصدمتني.. بس .. جت في صدري يمين
ومن قوّها في يسار.. القلب قال: آآآآآه
ومع اني استخسر اكتب فيك ( بيتين )..
شف الشعر جاك _ ( ياطيبه ) _ من اقصاه
اقول للشعر ليه وقال: بعدين ؛
( ياجاك بعدين ذكّره بسواااااااياه )..!!
يتبع
_ الجزء الثاني _ |
الله أكبر ياصالح
عزالله انك ابدعت في هذا النص الباذخ
وعزالله انه يجذبنا ويجبرنا لإنتظار الجزء الثاني بفارغ الصبر
صح لسانك أخوي صالح ولاهنت على هذا الجمال
جزلة ووافية وانت جزل ووافي جعلك تحيا
دمت بهذا الرقي والإبداع وانا اخوك
لك التحية والتقدير | 
نسيت هالكلمتين: ( الكبر لله )..!! 
