أخير ما أبدابه / ذكر ربّ الأرباب=تبارك إسمه / وإعتلى في صفاته
اللي يغفر الذنب للعبد / لا تاب=وسيّاته الأولى / تصير حسناته
والثانيه للشعر / قاري وكتّاب=وشعّاره أكثر بالعدد من / رواته
وأنا على / منهج حسينين الآداب=وأهمّ ماعندي / تجي مفرداته
مثل الذهب / مصبوب بيدين صبّاب=وإلها من أنظار الرجال / إلتفاته
شاعر / وأشدّ أنظار/ وأخاطب ألباب=والشعر / أقطّف ما زهى من نباته
وأخير ما أحصّل من الشعر / الإعجاب=عند الرجال / اللي تميّز طراته

قالوا نديمك وين / قلت السماء وين = قالوا عسى ما باس / قلت إسمحولي
شفتوا نجوم الليل / لدوّا لها زين = هي خيرة اللي / فـ الليالي بقولي

لا يـا هـوى الـروح لا تضـحـك وتجرحـنـي = إرحــم رحـمـك الـولـي وإلـطـف بمحبـوبـك
ضحـكـتـك للـغـيـر يـالـلـي غـيــر تذبـحـنـي = وأظـــن ذبـحــي مـنــاك وعـــز مـطـلـوبـك
دوبـك تقـول إستـرح وإجـلـس وصارحـنـي = وأنـا ألعـن أبوينـك الـلـي يالغـضـي جـوبـك
وأقــــوم زعــــلان وبـنــظــره تـطـيـحـنـي = وأجيـك وأمسـح دموعـي فـي طـرف ثوبـك
لو جيـت أبـا أزعـل هـدب عينـك يسرحنـي = وأضـوي عـلـى حـروتـك لعـيـون منـدوبـك
بالخـيـر أمسـيـك وبعكـسـه تصبـحـنـي!!!!! = ليـتـك تـكــب الـخـطـاء وتـحـسـب ذنـوبــك
تخطي وأسامحك وأخطي ما تسامحني؟؟؟؟!! = يا زين وصفك وعكسـه مـا أقشـر إسلوبـك

::

سلّط على الجوّال لا صار مقطوع = يقطعك من صوتٍ تودّ إستماعه

الشوق والبعد وأحلامي وتفسيري = والصدّه اللي تصنّعها تصنّاعي
متناقضاتٍ معي لكنّ مع غيري = أشياً بسيطه ويمكن مالها داعي
يا كثر ما شفت من كثرة مشاويري = لعيونك اللي هدبها نايمٍ واعي
ويا كثر ما ألقى خيالك في تصاويري= إليا تصورّت مصيافي ومرباعي

سلام يا نايف على كلّ نايف = يا شيخ يا مطنوخ يا طير شلوى
جدّك عقيد القوم يوم الطوايف = خصمه جداه يكثّر الـ لام والـ وا
وأنته وريث الطيب ما أنته بهايف = إخوٍ لـ جوزاء ما تعزوى بـ سلوى
بيتك يعد من البيوت الطرايف = يوم إن بعض الشعر ما ينتحلوى
بنات فكرك والجزاله ولايف = وإسمك على بعض الأسامي تعلوى
وأنا من الله للصعاب العسايف = أفزّ وأطرب وأستمع وأتشلوى
عن بعض شعر مدورين الوضايف =اللي قصايدهم على الشعر بلوى

العصر مدري تالي العصر ياسعود = مريت مع ذاك المكان وذكرته
الغالي اللي بدل الوصل بصدود = رغم البطاء والبعد ماطاح كرته

الليل يا نايف كثير الغرابيل = خصٍّ على العشّاق مثلي وشرواي
وألا الخلي ما ساهر الجدي وسهيل = ولاهمّه الرايح ولاهمّه الجاي
هذاك ما يدري وش الليل يا ليل = خله وأنا وياك بايع وشرّاي

يا طول صبري والصبر ماله حدود = مثل البحر تبطي عظم ما عبرته

العبره اللي وقّفت دون ... الإفصاح = لا رحم أبوها .... كيف شلّت لساني؟؟
بغيت أسولف عن غرابيل وجراح = وأزريت .....والله عن كلامي هداني
لو جيت أبا أنطق حرف ... دمع القهر طاح = ولو جيت أبا أمسح دمعتي ما مداني
قدم الحشود اللي لهم صوت وصياح = ماني براضيها على آخر زماني
لا صرت أعلّمهم ... ومرشد ونصّاح = وأقول ....... صيّور الدهر قلّباني
وش لون أجيب العيد ... وأشيل ماراح = وأحط نفسي في مكان الهواني!!
أقفيت ...والعبره ثنت دون الإفصاح = أزريت .... والله عن كلامي هداني