يومنها بارت سلَعْ الرجاجيل=بسوق العفون وطيب الساس يجلي
بعت الحثالة وأشتريت الحلاحيل=وقصرت عن بيت الرديين رجلي
ماظاقت الوسعه ولا جفت النيل=واللاش سم ويرفضه طيب سجلي

يموت شط العرب مادنق لدجله=عزة شواطيه تأبى ترتشف ماها
له شيمةٍ تمنعه ويرفض شرف سجله=لو مات شطه ضما ماصاح ينخاها

الصاحب اللي يسمع الهرج عني=ولايستلم مني ولا يردلي شور
بعده غنيمة وصحبته ماتثني=الحر مايبني علي فزعة الثور!!

كل الوجيه عرضت لي إلا أنت ماشفتك=ماتدري إنك تعادل كل من شفْته ؟
لو قلت تبّت يَدَكْ ما قلت لك عفتك=ولو حال دونك بحر ياصاح لك خضْته
يومك جمر يحرق الجلمود ماهبتك=وشلون أهابك سحابٍ روحي عشقْته
أنا تولعت بك من عقب ماذقتك=بعدك حبيبي شبيه المسك ماطقْته

للشمس ساعة غروب وساعة إشراقه=ومابين هذا... وذا يقفي العمر كلّه
ياشين وقت الوداع وساعــة فراقه=لا أقفي عديل الفؤاد ودمعه يهلّه
السـاق ما ينثني والعين دفاقــه=والروح يسري بها سبعة عشر علّه

ما للصدوق بديرة الكذب مقعاد=ولا .. للكذوب بديرة الصدق مقعد
ولا ... للمساء مع طلعة الصبح ميلاد=ولا ... للردى مع سلم الجود مصعد
والحر لو يفطم علي حنظل الزاد=تلقى مطاليعه وراء الغيم وأبعد
واللاش مايقوى علي صنع الأمجاد=لا أرض تنبت له.. ولا جو.. يرعد

شفتك ودارت كوكـب الأرض فينـي=وذكرت حبٍ قـد دفنـاه مـن عـام
عادت بي الذكـري لـذاك الحنينـي=ورجعت لك وأنا أحسب خطاي قدام
وعرفـت حبـك فـ الظمايـر مكينـي=وأعذرت جفنٍ من سبايبك مانـام

ياكثر ما نوّى لساني علي القول=وياقف خجول ولا يبوح السريرة
يخاف من كلمة ردي وعابد الظول=صعب التميز والهبايب تديرة
خالي فكر أجوف رقم فاره الطول=يبلاك شره دون صاخب هديرة

الحر أهوى جنابه حيل وأحبه=أنصاه لوهو بعيد ولا هو بيمي
إنكان فـ الأرض وإلا في بطن غبة=والله لجيلة ولو إن الثمن دمي
واللاش بيته لك الله دوم ماطبه=يترب شبابه ولو إنه ولد عمي

خليتني في مهب الريح كالشمعة=أذوب لأجلك وفا وعينك تراعيني
أصبحت عقبك أسير الهم والدمعه=أبكي علي أطلالك اللي شيبت عيني
والناس لوشفتها ف الدار مجتمعه=ماعوضتني عن اللي بينك وبيني