الكاتب : عبدالله العصيمي ابيات متواضعه وليده اللحظه اقبلوها بعيوبها يقول عبدالله يام اكبر همومه = وان جات فالميزان ترجَح عزومه لي ونة كنيتها عن عواذلي = وعن شامت بالهرج تومي كمومه يفرح بغرات العرب في غيابهم = واللي سمع له زاد حسده ولومه ونة قهر ماهيب ونة رخامه = ولاهيب ونة عاشقٍ طار نومه اجاهد الدنيا وعيت تطيعني = وامسيت نفسي من غثاها كتومه باعت كرام الناس في سوق همها = والطيب مايشرى ولا احدٍ يسومه وحيد همي والروابع تحوفني = حوف السباع اللي عدت من رجومه يامشعل اسمع خذ كلام مصفى = من منصحٍ لك ماكذب في لزومه يغوص غبات الهموم الغزيره = والشط يعرف غبته قبل عومه الرجل لاجيته وعقد حواجبه = لاترتجي مده وتقبل علومه اسكت ولاتبدي له اللي بخاطرك = اصلا جلوسك مع جنابه نقومه ياخوك بعض الناس يفرح بشكوتك = لاخير لاذمه ونفسه ظلومه والطيب ادمح زلته لو تكررت = خذها نصيحه بالدليل محكومه لابد من يومٍ تبين مواقفه = يزيح هم اللي تلبد غيومه والاش لاتقبل منه ربع مزحه = والا تلومه او تسمع للومه وترا القرايب كنز في حزة الرخى = وحدك اليا كلٍ تعزوا بقومه ادمح خمايلهم ولو هي قويه = مافيه نفس من الخطايا معصومه هذا وفيه علوم ما اقدر اقولها = بيني وبينك والرموز معلومه وسلامتكم

يقول عبدالله يـام اكبـر همومـه = وان جات فالميزان ترجَح عزومـه
لي ونـة كنيتهـا عـن عواذلـي = وعن شامت بالهرج تومي كمومـه
يفرح بغرات العرب فـي غيابهـم = واللي سمع له زاد حسـده ولومـه
ونة قهر ماهيـب ونـة رخامـه = ولاهيب ونة عاشقٍ طـار نومـه
اجاهـد الدنيـا وعيـت تطيعنـي = وامسيت نفسي من غثاهـا كتومـه
باعت كرام الناس في سوق همهـا = والطيب مايشرى ولا احدٍ يسومـه
وحيد همـي والروابـع تحوفنـي = حوف السباع اللي عدت من رجومه
يامشعل اسمع خذ كـلام مصفـى = من منصحٍ لك ماكذب في لزومـه
يغوص غبـات الهمـوم الغزيـره = والشط يعرف غبته قبـل عومـه
الرجل لاجيتـه وعقـد حواجبـه = لاترتجـي مـده وتقبـل علومـه
اسكت ولاتبدي له اللي بخاطـرك = اصلا جلوسك مع جنابـه نقومـه
ياخوك بعض الناس يفرح بشكوتك = لاخيـر لاذمـه ونفسـه ظلومـه
والطيب ادمح زلته لـو تكـررت = خذها نصيحـه بالدليـل محكومـه
لابـد مـن يـومٍ تبيـن مواقفـه = يزيـح هـم اللـي تلبـد غيومـه
والاش لاتقبل منـه ربـع مزحـه = والا تلومـه او تسـمـع للـومـه
وترا القرايب كنز في حزة الرخى = وحدك اليـا كـلٍ تعـزوا بقومـه
ادمح خمايلهـم ولـو هـي قويـه =مافيه نفس من الخطايا معصومـه
هذا وفيه علوم مـا اقـدر اقولهـا = بيني وبينـك والرمـوز معلومـه