بنيت لك في عاليات المراقيب = في موقع عالي على كل عالي
ونسخت لك صورة بظل المهاديب = يالغالي اللي مانعوضه بغالي
ونقشت لك فالقلب بين المحاديب = اسمك ورسمك يالحبيب المثالي
ياللي جمعت الزين والدل والطيب = حرام غيرك مازهاه ا لدلالي
انت الذي لاجلك تزين المكاتيب = وانت الذي تزها البيوت الجزالي
اقلط بوسط القلب وتشوف ترحيب = ترحيب غالي من عقب شاف غالي
صدر المجالس لضيوف الاجانيب = الا انت ياراع الرموش الطوالي
تجلس بوسطه ماتخاف العذاريب = لانك ملكت الدار واصبحت والي
وابادرك بالكيف عقب التراحيب = من دم قلبي صافيات الدلالي
اخوكم عبدالله العصيمي
.
