الا ياهاجس الشاعر تحيزم والوعد قدام = وعدنا في ديار العشق ابهدم حصنها المبني
على قب المهار اللي عسفها الهاجس المنظام = من فعول الزمان وميلته والبعد والغبني
معك بندق معك شلفاك يالهاجس ومعك حزام = عباريده بيوت الشعر وحده قافية (ابني)
ابي تقدح من زنادك وقدح الطيبين شمام = واذا ما اطربت غيري ياهجوسي يكفي اطربني
كما تقدح حذا مهرتك في صم الحصا الصمصام = معك لارخيت فعنان الكحيله لاجل تعجبني
تجي طنّيَه تدك البيد تطو البعد طي الخام = عليها السرج من همي ومن حزن تلببني
الا يافارس الغاره ابي معناك ضرب سهام = بيوت ان جيت اغنيها واهوبلها تناسبني
تغن بفن هات وثن لاتخشى ولا تنلام = ووصف مذهبٍ واضح بحبٍ مايعذربني
مع اللي وصفها نادر ولا يوفيه خط اقلام = اجاذبها سلوك الحب وهي بالحب تجذبني
صفالي حبها العذري ولا نخشى من اللوام = لو ان الناس بعيون الحسد قامت تراقبني
خضع قلبي لها تقدير واضح مابه استفهام = مباحه لو تعذبني وتسرف بي وتسلبني
تحكم في غرامي لين صرت العاشق المهيام = عدا الفرقا دخيل الله منها لاتعذبني
عريبة ساس بنت شيوخ تكرم عن رغد صدام = فريده وصف حوريه عليها القلب متعبني
حياها لو يوزع في ديار الكفر والاسلام = تشوف العالم محجب ولبسه ضافي الخبني
الا ياهاجسي تكفى على طبعك تجي مقدام = نخيتك في همومٍ دامسه قامت تعاقبني
ابي حصن الملوح للهوا يصبح دكك وركام = وانا بسطي على عرشه واقرب مزهبي وابني

الا ياهاجس الشاعر تحيزم والوعد قدام = وعدنا في ديار العشق ابهدم حصنها المبني على قب المهار اللي عسفها الهاجس المنظام = من فعول الزمان وميلته والبعد والغبني معك بندق معك شلفاك يالهاجس ومعك حزام = عباريده بيوت الشعر وحده قافية (ابني) ابي تقدح من زنادك وقدح الطيبين شمام = واذا ما اطربت غيري ياهجوسي يكفي اطربني كما تقدح حذا مهرتك في صم الحصا الصمصام = معك لارخيت فعنان الكحيله لاجل تعجبني