فوح طيب وفوحة ابريق وقدر"="فزعة المضيوم نوماس الدخيل
كنت داري ياولد والا فدر"="ذي امورٍ ثابته عند ال جميل

أفكر في الزمان .. وفي صدوفه = وفي ظروفه .. وفي قسوة يدينة
أمد الكف .. ويرجع كفوفه = رضى لي بالاهانه .. لو ما اهينه
وأفكر في حبيبٍ .. ما نشوفه = تركني بين (ياليته) و (وينه)
ياكم جاملت .. مع شكوى ظروفه = وكم قدمت .. مابين بعينه

لي وقفة ٍ لامن حصل فيه ميقاف=شاعر ولاكن ميزتي دبلوماسي
اصخر الجزله على الوزن والقاف=واستعمر الفكره من اعماق راسي

ان كان غرك يوم محدن يضاهيك = ترى الجمال اخلاق لو زاد نوفك
تراني ان قفيت معاد يمديك = تلحق علي لوّها اسمحتلك اظروفك
لا لا تغلى ثم تطغى واخليك = وتشوف عرض اكتوف ماهي اكتوفك

تعبت اداوي حبيبي جرحي النازف = تعال داوه وشاركني معاناتي
الجرح ضيع دواه ووقتنا آزف = وانا اتصبر والوم الوقت وآحاتي
تعال دامي على لحن الرضا عازف = عطني حبيبي همومك واخذ آهاتي
اغليك واهواك قل لي عاشق مجازف = لجلك يخوض البحور وموجها العاتي