النفس تغرينا على تبع الاوهام = وتغيب في غبات بحر الخطايـا
ياكثر ما ننسى ونفعل من آثام = وياكثر ما يستر عليم الخفايـا
لكن لا قالوا ترى بكره صيـام = يفز شوقٍ مدهلـه فالحنايـا
لانه شهر يفرق على باقي العام = وصومه هبه من عند جزل العطايـا
الله يوفقنا على صـوم وقيـام = قدام تخطفنـا سهـوم المنايـا

غياهب جنوووووني

حتى القصيد بغيبتك صابه اضراب = والنفس ماتقبل من الزاد لقمه
اما تجيني يالغلا سيد الاحباب= تشفي فؤاد زاد بالبعد سقمه
والا اتصل واسأل عن اللي معك ذاب = ماني مسكر هاتفٍ معك رقمه

(الإيميل الجديد )

من رمضان ولرمضان ولرمضان= هذي سنه ورى سنه ورى سنه
راحت ثلاث سنين من ذاك الزمان=لكن ذكراها معي باقي أحسنه
أتذكر إني كنت أنا شاهد عيان=للطيب مع حلو النبا والألسنه
تدرون وين وفيه هو ذاك المكان=ومن هو يجيه ومن بعد يستحسنه
يجيه من يبحث عن الدر المصان=ويستحسنه من هو تجود برسنه
هذا مشاهير العرب و الأمتنان=والشكر والتقدير للي حسنه
بدر وعبدالله ومساعد بن بيان=والدلبحي وسلطان فازو بأحسنه
إدارته والمشرفين ولا يهان=أعضائه اللي فيه مدار السنه
أحن له وأجيه لو دار الزمان= ولو ما أجيله في السنه ألا حسنه