الفازع الله والموفِّق هو الله=ومن لاأعتصم بالله يبشَّر بالافلاس
وانا على الله دق علمي وجلّه=ومنهو مع الله مادخل قلبه الياس
دلّلت قافي واستوى وزان دلّه=ماهوب أنا من يضرب أخماس فاسداس
شعري أجيده واحتمي له واجلّه= ومنهو سِمعه يقول ياحي ذالراس
عيني تشوف الدرب ورجلي تدلّه=واتبع طريق الحق والحق نبراس
يابعض تفكيري لا والله ياكلّه=أكتب غضب اكتب سخط اكتب احساس
اكتب على صدر الورق والسجلّه=الحق له طلاّب والناس للناس
ياشلة الإرهاب في كل حلّه= حنّا نعرف كليب ونعرف جسّاس
والسالفه ماهيب غلطه وزلّه= ونسكّر الموضوع ونقول لاباس
المعتدي تشهد عليه الأدلّه=وبجرمه المشهود يحقر وينداس
نخيط عين المعتدي بالأخلّه=ونقول له عوّد وخلّك مع الساس
عزيزكم بالحق راسه نذلّه= وذليلكم ماله مع قياسنا قياس
لن النجوم العاليات المطلّه=ماحولها طامن ولاتحب الانجاس
حنّا عذاب أهل الكبود المغلّه=وقفاتنا في ساع دقّات الأجراس
نشرب فناجيل الغضب شرب دلّه=ولا شربناها يطير التعوماس
ومنهو تمادى وديننا يستقلّه=يضرب بحد السيف قطّاع الانفاس
ماعندنا ياليت ولاّ ياعلّه=ماعندنا الاّ الرمح والدرع والطاس
في كل دار وكل مذهب وملّه=تلقى بنا صامل وراهي ومدباس
وكويتنا دولة وفا مستقلّه=ودار الوفا من دونها الشعب حرّاس
والحكي من كثره يكفيك قلّه= والذل ساس العار والعز نوماس