<>}{ شبيهة الناس .... مــشــهـــد }{<>

فهد بن محفوظ · 20-08-2007, 09:00 PM

السلام عليكم ...

شبيهة الناس ...:
ويش الناس من دونك .. ؟؟!!
.
.
شبيهة الناس ...:
كل الناس بعيونك ..
أنا ما تنطفي ناري ... ولا من يسأل .. أخباري ؟؟
عطيني الناس ..
.
.

كل الناس ..
عطيني كل ٍ بإسمه ..
عطيني الحرف والرسمة ...
عطيني البحر والمجداف والريشة ..
وقلبك .. ودي اعيشه ..
وانا بعطيك منّي حلم .. عيا بيوم يتفسّر ..
بضمك لين بتكسّر ...
.
.
شبيهة الناس ..:
ويش الناس من دونك .. ؟؟!!
.
.
رسمت بدفتري قمرا ... وليل ادفى .. من احساسي ..
وجبتك في الجسد .. وانتي ..
خدود وغصن تفاحه ...
انا ما ذقت هالراحه ...
أنا من يوم ما شفتك .. بديت احس ..
وانا اذكر كنتي لي معنى .. معاك وبس
وكل اللي لفوا قبلك .. عليهم (( اكس )) ..
.
.
شبيهة الناس :
تعالي وارسميني عطر ... يسري في شراييني
تعالي واكتبي روحي ... وقلبي .. وشي من عيني
حرام الهجر ذا لغيري ... تعالي عذبي فيني
وطيري في سما طيري .. يا أجمل عصافيري ..
حرام اسكنك .. وانا لك فضا شاسع
يا شعر وفكره ومطلع ... متى أسمع
متى هالعين ابكيها ولا تدمع ..!!
.
.
شبيهة الناس .. :
ويش الناس من دونك ..؟؟!!
.
.
.
مراكبك العتيم .. الليل ... وانا البحر ومسافاته
رميتك في ثنايا موج ... وخانتني عباراته ...
يسائلني .. طفل مجنون ..
محال اني لاجل شوفك .. أصير عيون ...
الى صار النظر مفتون ...
لكلمة شفتها مرة .. وقلت ...
((( صحيح ان الهوا جاير )))
فلك .. كوكب .. واراضي عشق ..
يموت القلب كثر الرشق ...
اعاني .. بس هناك بلحالي ... على الجدران
نعم .. بعدك فقدت الناس والخلان ...
.
.
شبيهة الناس .. :
وين الناس من دونك ..؟؟!!
.
.
شبيهة الناس ... باقي الناس تذكرني
بعد ما ارحل .. مثل هالناس
وصوتي يبقى ترديده .. وانا أذبل .. كأني الناس
عذابك صار بستاني ... وقلبي كان لك تربه ..
((( صحيح ان الهوا غربه )))
تعالي .. هناك ناديني ...
على الضفة ... واجي من عيني لعيني
حنانك ... أم ملهوفة ...
وضناها بردت كفوفه ... ودفيني ...
وغني مثل ماكانوا ... يغنون البشر والناس ..
تعالي لين اشمك غدر ... تعالي يا رمال الصدر ...
.
.

شبيهة الناس ...:
ويش الناس من دونك ..؟؟!!
.
.
لك الخافق .. خذي ربعه .. خذي نصفه .. خذي كله ..
وابي وصفه ..
تهديني ..
وهاتي قلبك وجرحه ... وخذي الطعنات والفرحه ...
أشوفك بين وجناتي ,, بمرآتي
وأسأل نفسي .. قوليني !!
تحبيني ؟؟

ت
ح
ب
ي
ن
ي
؟؟؟؟

وانا أسمع إجاباتي

((( قسم بالله ما أدري ... )))

شبيهة الناس ...:
شفتي الناس من دونك ..؟؟

فهد بن محفوظ ... 14 / 9 / 1424 هـ

محمد ال مهيد · 20-08-2007, 11:48 PM

عزف ونزف منفرد

سعدت بالمعانقه

محمد

ريانة العود · 21-08-2007, 01:06 AM

سيدي / فهــــد بن محفوظ

/
*
\
ابداع، لقد راقني ما قرأت..

وأحسست لحظتها بأنني قد عشت

عالمًا مختفاً عما انا فيه الآن

خلت للحظة بأنه سراب

أبدعت الوصف والتصوير

ورسمت لنا لوحة تامة المعالم

صدقاً جذبني تصويرك ودقتك في صياغة الحروف

اعجبني فيك تدفق مشاعرك وإحساسك بالموضوع

تحيتي واحترامي

فهد الديحاني · 21-08-2007, 04:49 AM

اخي فهد

سلم احساسك المميز والرائع بكل صدق

ابداع X ابداع

وين محمد عبده

بس

لك مودتي واحترامي

عنود القصيد · 21-08-2007, 03:59 PM

/
شبيهة الناس .. :
ويش الناس من دونك ..؟؟!!
.
.
.
مراكبك العتيم .. الليل ... وانا البحر ومسافاته
رميتك في ثنايا موج ... وخانتني عباراته ...
يسائلني .. طفل مجنون ..
محال اني لاجل شوفك .. أصير عيون ...
الى صار النظر مفتون ...
لكلمة شفتها مرة .. وقلت ...
((( صحيح ان الهوا جاير )))
فلك .. كوكب .. واراضي عشق ..
يموت القلب كثر الرشق ...
اعاني .. بس هناك بلحالي ... على الجدران
نعم .. بعدك فقدت الناس والخلان ...

"
"
"
الأخ القدير / الشاعر
فهد بن محفوظ
أبدعت بحق
بهذه
المنثورة الفائقة الروعة
صح لسانكـ ... وجاد بيانكـ
ودام حرفكـ
بهذا العطاء ... وهذا الجمال

"
"
"
العنـــــــود

مبارك أبوظهير · 22-08-2007, 12:40 AM

الله الله الله

بن محفوظ

ياسلام الله عليك .. أبدعت أبدعت أبدعت ..

ماشاء الله تبارك الرحمن .. أمانة ً كتبت بفن وحرفنه ..

سجل إعجابي .. ومتابعتي .. وغلاااااااااااااااااي

م ن

مخايل · 22-08-2007, 03:07 AM

يا سلام

لا هنت

شووق · 23-08-2007, 03:36 AM

الشاعر / فهد بن محفوظ

مشهد راقي
...ونثر تجاوز الأبداع

اجمل تحية
..

عنود الحب · 23-08-2007, 08:28 AM

بوح جميل لمشهد راقي ومتفرد

سلمت اخوي يعطيك العافيه على جميل ماكتبت

دمت بهذا الجمال

تَفْآصِيْل ! · 24-08-2007, 01:00 AM

.
.
.

أبدعت في السكب ..
لاهنت ..
عطر
.
.
.