هذا انا عقب الغياب المر جيت = صافحيني واقتلي فيني عتب
مانتهى .. شوقي .. أنا توّي بديت = في نحرك الطهر .. وعيونك .. عجب
ليه اضمك ..؟ والظلوع العوج بيت = وانتي نوره .. والهوا .. وهمس ٍ عذب
والله اني عقب زولك .. ما دفيت = في صلاف الشوق .. ودروب التعب
إسأليني كان في بعدي .. شقيت = ذقت طعم الفقد .. والحسره .. لهب
باعني وهمي ّ .. وبحلامي .. شريت = من ربيع العمر .. وآمال الشبب
إكتسيني عشق .. في عينك مشيت = عشت فيها .. شعر وحروب العرب
اختصرتي ليل .. فيني .. ما نسيت = في فمي توتك .. وفي يدي عنب ّ
والله اني ما نسيتك .. ماحييت = بيرق الحب في حياتي وانصب
اكتفيتي ..؟ مير انا بك ما كتفيت = قلبي يصهل يا هواي لك هذب
انتهى الموعد .. ولكن وش جنيت = ان شوفك بس في عيني .. طرب
(تنبيه :
حقوق الكاتب محفوظة. نشر النص بالتّاريخ 05-08-2007 منتديات )
الاخ الكريم الشاعر / مساعد البيان
ما أجمل الوقوف على عتبات كلمات
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي
)
