ياناقش الحنا ذبحت المعنى ,, كنك تحنيها من اقصى الحنايا

عبدالله العصيمي · 11-07-2007, 09:46 AM

متواضعه للتواصل معكم

ياناقش الحنا ذبحت المعنى = كنك تحنيها من اقصى الحنايا
ارحم وخذ قلب عليك استجنا = لاتتركه لاتتركه يا دوايا
يا ذا الفريد اللي عليه تجنا = والحق ورا ذيك الخطايا خطايا
تقول مالك ذنب باللي ذهلنا = الذنب حسنك والدلع والتهايا
واهديتني رمح الغرام المطنا = من سهم عينك يامليح السجايا
خج الضماير بالرهيف المسنا = وانته ولا همك تزود بلايا
واخضعت فكري لك وجيت اتغنا = من فيض هجسٍ مابخل بالعطايا
فرايدي لك يالفريد المحنا = ياللي غرامك ثابت في حشايا
وان كان تسمع جاك علمٍ مثنا = ابختصر لك كلمةٍ في خفايا
هاك الضمير اللي عليك استجنا = وحفظ الامانه واجبه ياشقايا

اخوكم عبدالله العصيمي

راشد السبيعي · 11-07-2007, 09:50 AM

عبدالله العصيمي صح الله اللسااااااانك ولاهنت كل مايجي منك جزل ورايع قصيده جزله من شاعر جزل

لاهنت

دمت بخير

محيا العوني · 11-07-2007, 10:06 AM

حجز طال عمركـ

سعود القت · 11-07-2007, 12:14 PM

خج الضماير بالرهيف المسنـا
صح لسان فكرك
تقبل التحايا

مبارك أبوظهير · 11-07-2007, 12:42 PM

العصيمي ..

عبدالله

للإبدااااااااااااااااااااع والحضور المتميز نصيب الأسد في متصفحك .

ألف ألف صح قلبك وفكرك .. وروحك .. وكلك .

لله درك .

إعجابي .. وغلاااااااااااااااااااي

م ن

متعب المينيح · 11-07-2007, 01:07 PM

والله مدري وش اقوووووووول

لكن ياسلام عليك

دمت بهذا التووووهج يامبدع

وافر التحايا

نياف العتيبي · 11-07-2007, 01:34 PM

ياناقش الحنـا ذبحـت المعنـى
كنك تحنيها من اقصـى الحنايـا
ارحم وخذ قلب عليـك استجنـا
لاتتركـه لاتتركـه يـا دوايـا
يا ذا الفريد اللـي عليـه تجنـا
والحق ورا ذيك الخطايا خطايـا

ابوفاااايز

ابدعتتتتتت الله يحفظك

ومطلع قوي وجميل وبليغ التصوير

صح لساااانك

ولاهنتتتتتتتتتت

الناااااايف

شامخ الرشيدي · 11-07-2007, 05:28 PM

واخضعت فكري لك وجيت اتغنا
من فيض هجسٍ مابخل بالعطايا
فرايـدي لـك يالفريـد المحنـا
ياللي غرامك ثابت فـي حشايـا

الله الله يا ابو فايز ..
صح لسانك ولاهنت على هالحرف .. كفيت ووفيت

لك كل التقدير والمتابعة
اخوك ابو نايف

محمد ال مهيد · 11-07-2007, 10:21 PM

الغالي عبدالله

الله الله عليك

قصيده من نوع السهل الممتنع

سعدت بالمعانقه

محمد

همسات الليل · 11-07-2007, 10:48 PM

شقايااا

الله الله صاحب النصوص المتجدده والجزله

صح لسانك اخوي عبد الله

ولاهنت

اختك
همسات الليل