العتب دمع والاحلام سرب الحمـام=والمكاسب طعون وذكرياتك وسايـد
حل طاريك وارخيت الرسن للكـلام=قلت ابكتبك لو حلمي وراك متكايـد
انت يامن بعدك الصبح عاف المقام=انت يامن بك الجزلات صارن عوايد
حبك الغيث وقبالك طيوف السـلام=ريحك الهيل وملاقاك راس الفوايـد
انقض اليل لعيون السهـر لا ينـام=اوقد الجرح لا تبرد كفوف القصايد

والله مايرسم على وجهك احراج= والنفس يحزنها ويبحث خفاها
إلاّ لاجاك إنسان غالي ومحتاج=ويروح منك وحاجته ماقضاها

ان كان غرك يوم محدن يضاهيك = ترى الجمال اخلاق لو زاد نوفك
تراني ان قفيت معاد يمديك = تلحق علي لوّها اسمحتلك اظروفك
لا لا تغلى ثم تطغى واخليك = وتشوف عرض اكتوف ماهي اكتوفك

تشرق الشمس بعيون الأوادم ضيا=وآنا تغرب بعيني قبل نور الصباح
كن وقتي تعلم من قليل الحيا=يستمد الغلط ولا يمد السماح