على متن الظلام اسري مع الخافق وطن وافلاك=اجاوب صوته اللي كل ما غنيت يوحيني
مسافة حب تمشيها لك شفاتي رجا لقياك=من اللهفه شعور الحب يطويها ويطويني
شعور الحب ياقلبي ليا طال اللقا سراك =يذكرك القلوب اللي غلاها حيل يرويني
لك أعذب مفردات الشعر يا كل الغلا تنصاك=من اعماقي وفلساني يبيَن صدقها فيني
ليا من زارني طيفك وذابت فالحشا ذكراك= احس ان السنين اخذتك مني يا نظر عيني
خذتك لعالم الفرقى ومدت للفراق خطاك= ونا محسبك من طول الليالي صرت ناسيني
سكنتك طيب وحروفي تداعب بالغرام شفاك=رويتك حب لو ذقته ليالي ما يكفيني

الا يا سارقه وقتي لهيب الشوق عناني=على طاريك هلت عبرة فا القلب مخفيها
لهيب الشوق لدروب الغرام العذب وداني=خذاني في بحر حبك ولا ادري وين تاليها
عليك يون حرف الشعر لا ولفت قيفاني=دخيل الحب وجروحه جروحي من يداويها
ليا منك نسيتيني ترى صوتك بوجداني=احبك كلمةٍ لقصى ضميرك ذاب راعيها
اشوفك حلم يا خوفي مع الأيام يصحاني=ونا بك شمعةٍ خايف نسيم البعد يطفيها
تبى تعجز حروف الشعر لا وصفت ما عاني=اكيد ان الشعر يفنى ليا وصفت غاليها
عشانك يا هوى بالي ظلام الليل سراني=ولا حسيت غير اني لعينك جيت ساريها
ونا مدري وش اللي صار في قلبي وخلاني=ادور عن سفينة حب ما رسيت موانيها
ونا مجفاك يا رمز المحبه كان تجفاني=ولا انسى عبرةٍ لجلك ثمان شهور مخفيها

ألا يا ليل محلا جلستك لاهبت الأنسام=احس بعبرتي تطلع من الأعماق مكتومه
تصارع خاطري ونه ونا من ونتي ما نام=على همس النسيم اشكي جروح القلب وهمومه
أقضي الليل بآهاتي واقاسي دمعتي بهيام=ونا من كثر ما فيه عذرت القلب مالومه
هويت وكل ما فيه يحن ويعشق الأحلام=وعشقي ترجمه دمعه على الخدين مقسومه
عششقتك واحسبني في غرامك حظ قلبي قام = اثر حضي معك عاثر وروحي فيك مصدومه

عجزت فجرحي اللي ما تفارق دمعته خدي = ولاني قادر احكيلك معاناتي ولا اوصفها
اعاني وقتي القاسي واعاني وقفته ضدي = على حد السنين اللي تلاحقني عواصفها
ابنسى حلمي اللي فات وانسى لونه الوردي = لاشك ايامنا مره وانا بنسى سوالفها
على قول المثل هذي سحابة صيف وتعدي = ولا تستاهل الدنيا دموعك يوم تذرفها

كتبتك حرف مطلا عه حزيني=نثرتك شوق في كل الزوايا
كوتني غيبتك يا الله تعيني= على فرقاك نوخت المطايا
علينا عيت القسوة تليني= تباعدنا بلا ذنب وخطايا
حبيبي للأسف راح ونسيني=بعد ما غاب نجمه عن سمايا
وهذي قصتي ضاعت سنيني=وصاح الجرح من بين الحنايا

مافيه داعي للحكي والسواليف = لا صار لقيانا مجرد وداعي
حبي وحبك عكرته العواصيف = يا مستريح البال زاد اللتياعي
جاريتني واسقيتني دلة الكيف = من عينك النجلاء شربت الوجاعي
يا حيف تتركني مع الهم يا حيف = عقب الهيام وصار وصلك قطاعي
تاهت سفينتنا في بحر التحاسيف = بعد انكسر مجدافها والشراعي

في معا ليق الحشا شيٍ من الأيام ضايع=بين حب وبين كره وبين شمس وبين فيه
قالها قلبٍ تعنى واشتكت منه المسامع=بيَح المرقاب سده واللحون الشاعريه
يا حسافة حلم ضايع مات في صدر الموادع=اخذته طول السنين وردت همومي عليه
حلم خلا كل ونه داخل أعماقي تصارع=هاجس الذكرى يصارع فا الجروح السرمديه
نور وصلك يا المواجع في جبين الهم ساطع=ترتوي منه القلوب الوافيات العاطفيه

يقوله ضمير اللي على الهم معتاد=همومٍ توديه وهمومٍ تجيبه
على الله فرج همٍ كما الجمر وقاد=تون الضلوع الحانيه من لهيبه
صدوف الزمن جتني على غير ميعاد= ونا من سبايبها جروحي عطيبه

يا بحر موجك بديع يساهر ه طرف المعنى = يسهرك حرف القصيدة واللحون الشاعريه
أنت بلسم للجروح ولك نسيم الليل غنى= يا بحر عطني حنانك واخذ آهاتي هديه
جيت ساري لك بقلب وجرح من نزفه يونى= جيت لك بهموم تكفى لا تزودها عليه

تاهت سنين العمر في درب الأحزان =مات الفرح في حضن الأحلام غدرى
عين الليالي تنزف أشكال وألوان= من نزفها دمعٍ على الخد مجرى
كم قلب في بحر التحاسيف غرقان=شربه شديد البعد والزاد هجرى
مما فقد له في هذا العام خلان=وانهد في عينه من الحزن قصرى
ليت القلوب إلها مع الوقت جنحان=لا فارقت جرح المواجيع تبرى
قلبٍ سعيد وقلب با الهم مليان=هذي هي الدنيا ورى الحلو مرى