لاحرك الغربي غصون الراكه = واطرق بغصنٍ لينٍ مسواكه
اثار خرب رابضٍ في ظله = جنا على نفسه .. وجا فتاكه
والحر من حره يتل سبـوقه = فكه تشوف السعد يا فكاكـه
خله يهد وينتقـي صيداتـه = ويبين فعله فالهـدد وعراكـه
حرٍ على صيد الوحش ضريته = ماهوب وكريٍ نشب فشباكه
عديم وصفه يذهل الصقاره = مخالبه طول الدهر فتاكه
لاهد في جول الحباري ساطي = اهوا عليه وحل فيه اهلاكه
الحر فكري والنوادر صيـده = والصاحب الغالي غصين الراكه
سبحان من سواه ..لين عوده = خلى فؤادي من صميم املاكه
لو كان دايم له عليه شرهه = وانا الذي دست الخطر و اشواكه
زعلان مدري ليه مايعذرنـي = يبغى القصايد كلهـا فافلاكـه
يقول لاتكتب خيال اشعـارك = هذا هوا باله وهـذا ادراكـه
وانا علي ارضيه باللي يطلب = واحيك له جزل البيوت حياكه
ياصاحبي كان القصايد شفـك = حاك الضمير اللي صدق لك حاكه
اقلط على حدب الضلوع وتلقى = مركاك يالمجمول بالله راكه
تلقى القصايد كلهـا مكتوبـه = حتى الخيالي يلزمك باشراكـه