[quote=عبدالله العصيمي;239394]متواضعه ارجو تمريرها
لاحرك الغربي غصون الراكه = واطرق بجذعٍ لينٍ مسواكه
اثار خرب رابض في ظله = جنا على نفسه .. وجا فتاكه
والحر من حره يتل سبـوقه = فكه تشوف السعد يا فكاكـه
خله يجول وينتقـي صيداتـه = ويبين فعله فالهـدد وعراكـه
الحر فكري والنوادر صيـده = والصاحب الغالي غصين الراكه
زعلان مدري ليه مايعذرنـي = يبغى القصايد كلهـا فافلاكـه
يقول لاتكتب خيال اشعـارك = هذا هوا باله وهـذا ادراكـه
وانا علي ارضيه باللي يطلب = واحيك له جزل البيوت حياكه
ياصاحبي كان القصايد شفـك = خذ هاجس الشاعر تشوف املاكه
تلقى القصايد كلهـا مكتوبـه = حتى الخيالي يلزمك باشراكـه
بيض الله وجهك
على هذه التحفه الجميله
يابوفايز
عزالله كتبت وابدعت
عيني عليك بارده [/size] 
