زهمتني وابشر بكل التياسير = تكفا ..! ليامن جات تثر عليا
بقدم واقدم لك جزيل التعابير =يابن الرجال اللي تضد المنيا
اعتيبه .. اللي ماتعد المخاسير =اهل الكرم واهل الصداقا النقيا
قومن كما حد السيوف البواتير =من ضدهم ماذاق نومه هنيا
تزهم ولك عندي معزه .. وتقدير =دونك يابو فايز ماتقصر يديا
من دون خلك صار فالوضع تدقير=وانته طلبت القرب من طيب نيا
والعود قفلها ولاله معاذير=كبه وتلقا عند هذى وذيا
خلن بداله خل ياصاد تحذير ..!=لاتشغل افكارك ولابه اذيا
اقدم على اللي وسط راسه صعاطير=وافي ولا يرد الرجال الوفيا
تقدم ويقدم لك على العز والخير = ولدك يأتي يالعصيمي باليا
وكب الردي قرب الردي منك تأثير= وانته معلم ما يبيلك وصيا
قلته ..وانا لك باليالي المعاسير=مالي .. وروحي .. لجل عمرك ضحيا
يالله عسا ذالراي مامنه تقصير = والراي جاك الدار وانا .. هنيا