ياصاحبي دامك سألت عن الغلا بعطيك كاش = انت الهوا وانت الدوا وانت الامل والمبتغى
لاسلهمت عينك وشفت رموش يزهاها العكاش = تشدي هنوفاً طوحت بخمارها يوم الوغا
ثم جرت الصيحه على روس الملا والكل شاش = ودون (المعقل) طيح روس ,, افعال مافيها لغا
ولك فالحنايا فارس يفداك في يوم الهواش = كم من جمل كان يهدر لا طالع افعاله رغا
يا صاحبي طال النقاش ولاتطّول فالنقاش = والعشق في قلبي طغا لا والله الا لك بغا
جيتك وانا كلي غلا وابغا الغلا جاشٍ بجاش = ما ابغى غلاً عادي ابي حبٍ على العالم طغا
انت الذي تملك خيوط الحب يوم الحب طاش = وانا الذي قلبي بغاك ولا تلومه لو بغا
هذي حقيقه عاشقك يالترف يالغض الهشاش = وابيك تفصح لي بحبك دام سمعي لك صغا