ان كان غرك يوم محدن يضاهيك = ترى الجمال اخلاق لو زاد نوفك
تراني ان قفيت معاد يمديك = تلحق علي لوّها اسمحتلك اظروفك
لا لا تغلى ثم تطغى واخليك = وتشوف عرض اكتوف ماهي اكتوفك

أنا أكتب شعر .. بأشكال ومعاني = اسجل من قصيدي ما اريده
وجمهوري يحسب اني مهلوس = وانا عاقل ولي سيره حميده
شياطين الشعر عندي ثلاثه = ولي فالشعر اساليبٍ عديده
واذا ما اعجبك شعري خل شعري = وتلقى من يمتعك بقصيده

أشهد إن الحزن في صدري .. ثقيل = نوّخ اركاب الصبر ّ ما تحمله
من بعد طرقه حيام ٍ ما تشيل = في دروب ٍ مجرّهدّه .. ممحله
آه .. ياهم ٍ وسط قلبي نزيل =مانتهى إليا انتهت بي مرحله
ناحت الحيره .. وانا ايامي نخيل = هزّت عذوق العمر.. للاسئله !
ليتني وياه والليل الطويل = سرمدي .. والصبح ّ يجهل مدهله!.

ترى الحيا في بعض الأحيان يرشدك "="وأحيان لا بالله مواري رخامه

كفة مشاهير ترجح بالبيوت الجزال = ماهمه اللي من الأيام قد باعته
ما دامت الجهد تحريبه عقول الرجال = تبا تجيب الدرر والماس من قاعته
يبقى مشاهير شامخ من شموخ الجبال = من بعد رب البشر نتعب على طاعته
لو كان هست خطاه الموت لا لا محال = لا شك تلقى المرض موجود با إشاعته
منبع جزيل الشعر ماهو لقيلٍ وقال = في وسط سوق الادب ما بارت بضاعته
مبني على ساس ماهو فوق جرفٍ هيال = واقف على حق من مجهود فزّاعته
كل القلوب النقية له تشد الرحال = تجني ثمار الوفا من طيب زرّاعته
لا جاه زاير رهيف احساس واسع خيال = دقايق الوقت تاقف غصب في ساعته
من روعة الطرح يلقى للمشاعر مجال = يروي ضما الذايقه وايضا ليا جاعته

رغم بعدك رغم هجرك وترحالك=هنا فالقلب لك وحشه ولك طاري
أحبك رغم أنف البعد وهمالك=أحبك كثر ما تجهل وش أخباري