فواز تكفى ياحفيد المناعير = اهل الوفا واهل النقا والحميا
لا جا نهار فيه خوض الطوابير = افعالهم تاصل لحد الثريا
الاد هاجر خير في حزة الخير = ولا جا بيوم الشر سم مهيا
خلي حدوني عنه من دون تبرير = لاقلت ويش العلم قالوا كذيا
دونه وقف عود تقول انه الزير = جيته اقول القرب والعود عيا
ماينحدر ماينسند كنه النير = عيا يبيد وجزت وانا اتريا
مدري على شان الغضي سنه صغير = والا يبي نفعة جميل المحيا
والا بلاه مطمّع بالدنانير = والا على ماقيل فالقلب شيا
الصبر مليته واصوغ التفاكير = ابا اتمعن فالهدب واتفيا
ثم جيت ابي شورك وابي منك تفسير =من قبل لاصدح به واقول الخفيا
واصيح باسمه ماعليه من الغير = ابغاه لكن ما تفيد البغيا
والعلم يسند للرجال المناعير = وانته بدار الخير وانا هنيا