التقينا عقب غيبه واللقاء هو اللقا = كنت أحسب الشوق فينا من بعد طول السنين
طاحت أشواق المحبه الا شوقي هو رقا = ناظر أشواقي بعيوني كل لهفه وسط عين
هل ( عيون الشوق ) نفسي أو أنا عيون الشقا = واعذاب القلب منّك كل يومٍ له ونين
كل قطعه في كياني من دموعي تنسقا = تعتب لضيم الليالي تبكي بخاطر حزين
البشر نوعين فيها ياعواذل يا أصدقا= وأنت مدري وش كتب لك ربنا فوق الجبين
دام أشواقك توارت مابعد شيٍ بقا = لاتهيض بي ظنوني خلني بوضعٍ سكين
كننا ربعٍ تخاووا في مصيرٍ وأطرقا = ضيعوا درب الصداقه من يسار ومن يمين
وإن بغيت تروح روّح قلبي وعيوني إعتقا = وش يصير إن رحت يعني هل بموت من الحنين ؟
كان تذكرني بحياتك ياهلابك والبقا = لك مثل ما أنا كريمه بنت قومٍ طيبين
لكن ارفض حبك اللي ماهو بوضح النقا = ارقى بأشواقي بـعزة وانت خلك في يقين