. الرّدي لامسمى ولاماسوم= نفس تخفي مخابرها مظاهرها
له علامات تكشفه الك بين القوم= يمكن ابو ثمان اسنين خابرها
بعضها ذاكره فيماكتبت اليوم= وبعضها واضحه ماني بذاكرها
ايتبسّم ليامنّه غشاه اللوم= والجهاهيل فالمجلس يقاشرها
ولايخلّي ولاهرجه ورى البلعوم= وانت يالمستمع جاتك ودبّرها
كانها طيّبه خلّك حصان وقوم= الرديّه ترى ماهوب ذاخرها
وكانها موجعه مالك عن المقسوم= انت في مجلسه جاين تدورها
الردي علّةٍ منته بها ملزوم= يقتف الناس ويفتش صرايرها
هرجته كنها عطسة المزكوم= تحشره ويتضايق لين يظهرها
والسنافي يحط علوم دون علوم= احترامٍ للاجواد ومشاعرها