خذني على قد الغلا ياغرامي = وانا بحسب حساب شوقك وفرقاك
يالوعتي يافرحتي يا انسجامي = يافرحت اللي له سنين يتمناك
يا اكبر شقى يا اكبر هنا يامرامي = ياللي حياتي كلها رهن رجواك
عين الوحش ياعنق شرد الادامي = جمعتها يازين في مطرق الراك

والله اني كل ما جن الدجى = واستثار الفكر في نظم البيوت
ثم ذكرت اللي سهم حبه لجا = وسط قلبي والحنايا له بيوت
قلب صافي من غرامك مانجى = وان نجى مافات من عمره يفوت
بستمر ارجيه مادام الرجا = لو حبال الوصل خيط العنكبوت

لا تصدقني الا اطريت الوداع = ولا تعاتبني اذا جيتك غلا
ياغرامٍ داخل الخفاق شاع =غصب انا ارجع لك والبي ياهلا

نويت اهاجر ولكن وين ابا اهاجر = وانت اتجاه المحبه وين ما اوجه

ياصاحبي كان لك قصدكٍ تشقيني = في كل يومٍ علي تطري الفرقا
كم قلت انا فدوتك ياصاحبي عينني = واليوم عيني من اسباب الجفا غرقا
عشان حبك تمكن من شرايني = لكن وش عود الله عودت حرقا
بصبر واجامل عساك تحن وتجيني = وامد حبل الرجا واشد له وارقا
يمكن يجي يوم عقب البعد تبكيني = صوت يشادي نحيبه ساجع الورقا
من فوق جذع ربا وسط البساتيني = ثم شح عنّه زلال البركه الزرقا
الجذع ميت وهي تجذب تلاحيني = تقفي وتقبل على الاموات (يافرقا)

احبك احبك والليالي علي شهود = وطول السهر ومصارع الغي واللوعه
وقلبٍ شقا بك والمواجع عليه ورود = يبس ماحوا الا محبتك مزروعه
وعين تكض الدمع منها المحاجر سود = ورجلٍ على شانك بكا وارخص دموعه

بين سجات الخفوق وسجعة القمريه = دكت هجوس الهواوي وابتدا مواله

بودع واكتم جروحي ولاني سائلك وش صـار = بعد ماحلت الفرقـا دخيلـك بـس وش باقـي
بودع والنوايا بيض ومن ذنبـي تـراك مجـار = حفظتك في زمان العشق وببقـى عنـد ميثاقـي
اصونك وانتشي بسمك واخط من الغرام اشعار = وطيفك لو يطول البعد احفظـه وسـط خفاقـي
وسر العشق في قلبي مصان ومن وراه اسـوار = ولا تهتـم للباقـي ترانـي بحـرق اوراقــي