ياناعس الطرف ياللي مسهرٍ عيني = ياللي عليك المدامع هل ساكبها
اسهرت عيني وخلق الله ممسيني = اجر ونه ورا الونه واجاذبها
وسط الحنايا من اشوقي مياديني = كن الاصايل تطارد في مناكبها
صهيلها فالحشا كنه يصحيني = من سجة ٍ ماقدر فكري يحاربها
والهاجس اللي على الجزله مضريني = يكسب غزايز ويذعنها ويسلبها
شفي بمهره عليها الوصف يغريني = وانا نخيتك وقم يالهاجس وجبها
بجود عنانها يالهجس فيديني = واسوقها للمرابط خاب طالبها
قصيدة جت من افكاري وتلحيني = اجمع من جزالها وادور اعذبها
اهيض اشواق ناسٍ مستريحيني = ولا اخلي النذل والشامت يعذربها
برضيك وارضي غرورك يا مشقيني = ياسيد عيني ويا اغلى حبايبها
زرعت لك فالحشا روض وبساتيني = عبير ورده يفوح من البها ابها
اقول خل المشاعر بينيك وبيني = لو تقطع الوصل لاتخشى عواقبها