ياللي تخلط اللول والدر بالتوت = حبك تجاوز يالغضي كل الافاق
ما انساك لين الموت واهواك للموت = لانك سلبت الروح ياعذب الارناق
ماعاد به عذر وتصاريف وسكوت = جيتك وانا قلبي من الحب خفاق
ينظم لك بيوت من الشعر وبيوت = فيها عهود الحب ووعود عشاق
اهمس لي بصوتك عساني فدا الصوت = باسلوبك اللي فاق من فوق الاذواق
ياللي غرامك داخل القلب منحوت = اعطيك عهد الحب واعطيك ميثاق
كان الهوا غبة بحر داخله حوت = فانا معك خضت البحر غصت الاعماق
بجيك في غبة بها الحوت مفلوت = احضنك يا قايد طويلات الاعناق
بنقذك يالياقوت يا اصل ياقوت = واشرب رحيقٍ من ثناياك منساق
تعال لي ياللي ملك سحر هاروت = واحضن مشاعر صادقه كلها اشواق
ادف الحنايا من قبل فايت الفوت = تسقي عروق القلب من عذب ترياق