همي اللي كـل مرقـاب رقابـه = وكل ماعدا على المرقـاب ونـا
كنه (الشيب) الفريد من الذيابـه = دوم يبـدي فالمراقـب ماتعنـا
والليالي كلهـا عنـدي تشابـه = والهمـوم مـورده منـا ومنـا
يوم همي زاد حضر كل ما بـه = ماذكرت الا البيوت اللي تغنـى
يافريد الوصف ياجالـي عذابـه = ياحسين الصوت ليه ابعدت عنا
لاتحسب ان التجافي به مثابـه = اوصلوني وارحموا حال المعنـا
كان هو قصدك تغلي وش تبابه = والله انك غالي وحلفـي مثنـى
ارحم ا لولهان لايفقـد صوابـه = لاتقـول انّـا ولا كنـا وكـنـا
وجد حالي وجد مضهود القرابه = حاقرينه ليـن قـرب يستجنـا
حط حيلـه فالزقايـر والكتابـه = زاد ناره نار وابـدا المستكنـا
الهوا دربي وانا ادوس المهابـه = وانت اخر سكتي يـا ذا المحنـا
يوم سيف الهجر وجه لي حرابه = جيت ابي وصلك واشوفك تمتحنا
قلبي العاشق كبير الهـم صابـه = وانت لاهي ماذهلك اللي ذهلنـا
غيري التنباك يالزين التجا بـه = وانا همك صرت ادخن به واكنا
وازفره شعر يشوق من قرا بـه = واطرب اللي نازحين عن وطنـا
وكان هجرك طال يا جالي عذابه = اعرف اني فالهوا صرت المعنا