قيد المقيض وقيد طيري قيادي =  مابه محل ينداج حرٍ به الويل           
          
            
          
مليت من ناسٍ بها العلم غادي = ومليت من رفقت هل القال والقيل           
          
            
          
لطير والمطراش روحي تنادي = يالله عسانا نلتحق طلعت سهيل           
          
            
          
أبي على شفي وغاية مرادي = خوّت نشاما بيض وجه وحلاحيل           
          
            
          
وأبي من فروخ الوعر والحمادي = طيرٍ خلط بالدم ريش السراويل           
          
            
          
أشريه لو زادو بسعره مزادي = والله على مشراه مـ عرض ولا ميل           
          
            
          
وليا قسم ربي ليالِ البرادي = أدهله فالصبح والعصر والليل           
          
            
          
وليا خدم خشمه لصوت المنادي = أفرد به العامود من ريشة الذيل           
          
            
          
وأحط به صفره مشان الهدادي = أليا خفا فالعين شوف الدرابيل           
          
            
          
بأذنه نبي نلقاه ماهوب غادي = معنا الجهاز أنجيه عبر المراسيل           
          
            
          
أليا طلع علمه يجيكم وكادي = أمحولن فالخرب للقاع تحويل           
          
            
          
هذا هوا بالي وهذا أجتهادي = عوض الصبر معه العنا والغرابيل           
          
            
          
آاقف وأزيّن من حديث الولادي = لـ بو جهّيم والرجال المشاكيل           
          
            
          
ولـ الصاحب الضرمان بنن ينادي = الهيل والمسمار يوزن بتقليل           
          
            
          
وهذا ترا شفي وغاية مرادي = خوّت نشاما بيض وجه وحلايل