تل قلبي كل ما ناظر وبيّــــن مبســـمه = تــــلة الجمس الحمر لا من توّلاه   السفيه           
          
  ياوجودي وجد عود ٍ فارس ٍ مايهزمه = من عدوّينه ولى واحد قدر يلوي يديه           
          
  حده الشيب وزمانه ياعسا الله يرحمه = ياعسى الله يرحمه وارحم الله والديه           
          
  وجد من حده زمانه للدروب المظلمه = والليالي مع كدرها جمعت همه عليه           
          
  وياوجودي وجد عود ٍ ضايق فيه نسمه = لا صديق ولا رفيق ولا طريق يبتديه           
          
  وجد من ضيع شبابه مابنى فيه اهدمه = كل ما حده زمانه بالشقاء جاه يحديه           
          
  وكل ما يطري عليه الصاحب اللي يلزمه = خيّبت الايام ظنه ـ ياقصيده ماعليه           
          
   الشعر في داخل الخافق عساني ماعدمه = ياعساني ماعدم فيه الشعر يوم يحكيه           
          
   واحسب حساب القصيده والشعر والأوسمه = مالقت بك في بيوت الشعر شكل ولا شبيه           
          
   واحسب حساب الليالي ياعساها تسلمه = قلب من يعشق حروف الشعر من بكرة ابيــــه           
          
   ساقها لأجل المعاني درهمـــه في درهــــمه = شاعر ٍ لا ضاق صدره تبرم السبحه يديه           
          
  ضيع خيار المنايح ـ ثم كلا الذيــــب غنــــمه = ما فزع له غير دعوه جات من أمــــه وابيــــه           
          
            
          
                                 علي ابن نهايه           
          
          
          
            
          
                                يتمنى لكم وقت ممتعا