اجمعي كل الخطايا 0 وانثري الفرحه رماد           
           ووقفي مع ذكرياتك في حياتك واعرضيها
 اعرف ان الراي عندك بعثره مافيه سداد           
           واعرف انك واليدين السود دايم تسعديها
  من مزاجك ماعرفتي اللاش والحب الوكاد           
           ما الومك فرحتك كذبة خداع تواسديها
  انتي احساس المنافق 0 كذبه واكثر من جماد           
           كل اشكال المحبه تخشى منك تلطخيها
 ذكرياتك في حياتك كلها والله سواد            
           تبعدين الطيب عنك 0 والرخا صه  تشتريها
  مامعك عقل يحكم0 فعلتك دايم عناد           
           تحرقين ثياب سترك وابيدينك تشعليها
  ماسمعتي عن ديار الهتك وديار الوداد           
           جاهله بقدر نفسك ماعرفتي تقدريها
 دايمآ راعي الغرور ينقبر وسط العباد           
           كل ماقلنا استقامت ترجعي وتطيحيها
 ولا تقولي انك جبل انتي دخان ورماد           
           اجمعي كل الخطايا في دروبك والحقيها0 ؟