ارق ياقافـي عـلـى غــر السـحـاب
ولاتـجـيـب الا شـوامـيـخٍ جــــزال
بعـد مابـان الـردى والضـن خــاب
وأحتمى نـار الغضـا تحـت الـدلال
والـكـلام الــذرب عـودلـي سـبـاب
قـلـت اخـلـي عـالـي القـمـه هـيـال
واسحب ابياتي علـى لحـن الربـاب
وأقطـف الجـزلات وكـب الـهـزال
لين أدك احصونهم واللوي الرقاب
واعتلـي مــن بينـهـم مـثـل الـهـلال
قالـوا الحكمـه ومـن يقـرصـه داب
يرتـجـف لاشــاف طـيـات الحـبـال
يـوم بعـض النـاس للحـب استعـاب
قلـت انـا والحـب قصـه وارتـحـال
كم على درب الهوا سقت الركـاب
يـوم جالـي فالـهـوا وســم ومـجـال
كـن قلبـي فـيـه طعـنـات الـحـراب
مــن عـيـونٍ بـدلـت حـالـي لـحــال
وأختلف جـوي مـع غشـوة ضبـاب
وجـت مراسيـلٍ تبادلـنـي السـجـال
ابتـدوهـا طـيـب وردوهــا طـــلاب
ومــن بـدانـي بلخـطـا يلـقـم نـعــال
ولافتحـت لمثلـهـم عـنـدي حـسـاب
طيشـهـم زايـــد وكاسـيـهـم هـبــال
شكـكـوبـي وطالـبـونـي بنـسـحـاب
قالـوا ارحـل عـن مواريـد الجمـال
عـن بـكـارٍ نــادره صـعـبٍ تـجـاب
قـلـت مـالـي فالبـكـار ولا الـحـلال
ومـن تـراود فحـل تبشـر بضـراب
نيتـي يعلـم بـهـا محـصـي الـرمـال
صافيـه ماتنقـلـب ريـشـت غــراب
هـيــه يـالـلـي بيـنـنـا دار الـجــدال
اشربـوا علقـم وسـفـو مــن تــراب
الـهـوا ماينـقـص اشـبـار الـرجــال
اقـــرو لعنتـروقـيـسٍ فـــي كـتــاب
كــم قريـنـا مــن روايعـهـم خـيــال
قصـتٍ يطـرب لهـا شيـب وشبـاب
والــعــظــيــم الله ولله الــكـــمـــال
أتركـونـي مــال مطلبـكـم جـــواب
ماطلبـتـم يابـشـر صـعـب ومـحـال
كيف أتوب من الهـوا وانـا مصـاب
صابنـي بالحـب مـن حـط الـرحـال
واستـلـم قلـبـي وقـفـل كـــل بـــاب
قـال ماينفـعـك لــو تنـصـا الجـبـال
انت بين العيـن واطـراف الحجـاب
يانفـل لوكنـت لـي صـعـب المـنـال
كـم دعيـت الله فوصلـك واستجـاب
عـدك اقـرب مـن ولـد عـمٍ وخــال
يانـفـل مانـيـب طـــرادت ســـراب
انـت مــن جيـتـه بهـمـي ثــم شــال
لـك اعيـش ولـك امـوت ولااهــاب
أمـر امــر كــل شــيٍ لــك حــلال
يــوم قلـبـي فـيــه تـولـيـع الـثـقـاب
قالـوا أنـك صاحـب الـعـد الــزلال
وجيتـلـك جــرحٍ وداويـتـه وطــاب
لاتخلـيـنـي بـعــد حـــل الـوصــال
خذيميـنـي فـــي يمـيـنـك يـاعـقـاب
وارقبي فـي عالمـك عفـت الظـلال
قلـت يامزيـون فـي وصلـك ثـواب
قـلـت ولـيـا قـلـت مـاغـيـر مـقــال
ياعـرب لوطـاح مـن عالـي شهـاب
ماتركـتـه لــو يـزيـد الـمــال مـــال
سجلوهـا فــوق مخـتـوم الخـطـاب
ايـه انـا اللـي كـف دمعـه ثـم ســال
مـن هنـوفٍ صبـت بقلـبـي عــذاب
أسهرتنـي ليـن شفـت اللـيـل طــال
وصبحتني لين قرص الشمس غاب
كيـف أخلـي غصـن هزيتـه ومــال
كيف أخلي روضة العاشق خـراب
لا ولــن انـســى وحـبــه مـايــزال
قافلـه تسـري عـلـى نـبـح الـكـلاب
قـافـلـت حـبــي وقـايـدهـا غــــزال
أرتـوي مـن ريقهـا حلـو الـشـراب
وأن تركـتـه مـانـي بكـفـؤ الـعـقـال
