انقضى ليل السهر .. واكبر خطاي
ماسرقت النوم للجفن .. الهزيل
لو تضيق الارض ماضاقت .. سماي
سقت روحي غصب وعيوني .. تخيل
والشعر مالي سوا غيره .. جداي
أتوجد ّ .. لو كذا ّ .. مابه حصيل
لو أجر ّ الصوت ما يرجع .. صداي
يرحم الله .. قلب ّ .. في صدري عليل
انخوا راسي .. وأنا أدوّر دواي
بين شوق ٍ يجرح و صبر ٍ جميل
من هموم ٍ ذنبها .. سبت ّ عناي
لا ذكرته ..طحت من طولي .. قتيل
صاحب ٍ .. أرديته ابحربة وفاي
واستكن ّ..الدمع بالطرف الكحيل
يوم افارق ما مشى .. واقف وراي
في رجا .. ما سوق رجلي للرحيل
قلت له .. عان القدر .. وثّق .. يداي
والعمر .. له شمس .. يا عمري تميل
قال مالك .. فالزمن.. شخص ٍ .. سواي
قلت والله واشهدن مالك مثيل
انت .. لي جوع الفقر واكبر غناي
تختصرني ..تطوي البال .. الطويل
انت .. حلم ٍ .. برّوز العمر .. ومُناي
شعرة ٍ بين السهل .. والمستحيل
والله اني حي ّ بس منك ّ .. وجاي
ومنك ّ مستكثر وصالك .. لو ّ قليل
ماحدن غيرك .. له الحب وغلاي
جف ّ نبع الشوق .. وخفاقي .. بخيل
طيفك .. وأوّلك .. وتاليّك .. معاي
شلتهن للفقد ّ الاكبر والرحيل
